جمالك غير - سلطان الحويقل

ياوجه الصباح اللي تبيّن صباح الخير
ترفّق على قلب الشقاء شويه... شويه

ليا شفتك تقول اني مخدر" تخدير
توقّف قدم رجلي لأ روحه ولى جيه

أبيها تسير ... وعيت!! اعن المشي والسير
سحرت المشاعر لين حل القضاء فيه

أنا ويش اسوي ؟ وأنت غير وجمالك غير
أخذت الحسن على بنات (السعوديه)

جمال الطبيعه جل من صوره تصوير
لعب فالقلوب الخضر يانعنبو حيه

عيوني.... ليا عرضّت يخونها التعبير
تسابق على شوفتك ذيه قبل ذيه

أبشبع نظرها بالجمال الحقيقي .. مير
متشبع لأونك جالس" بين يديه

( أنا طالبك عني تروح.. ومسوّن خير)
تراء شوفتك قدمي تجيب العناء ليه

© 2024 - موقع الشعر