الشكر و العرفان

لـ سلطان الحويقل، ، في غير مُحدد، آخر تحديث

الشكر و العرفان - سلطان الحويقل

ما يستحق الشكر والعرفان
الا حنايا صدري المكبوت
دايم تساعدني على الكتمان
لو كان حولي من يرد الصوت !
اتلحّف الاسرار . ب الاكفان
و من الحياه اتردها للموت
ولاّ لووو اتكلها على الانسان
الداشر المستهتر السربوت
امّا يسررّبها مع العربان
ولاّ يوزعهاا ب وسط كروت
في صدتي كله يصير السان
وش لون عاد . السانه المفلوت ؟
مايدري ان الروح شي ً كان
لا حشرجت في يومه الموقوت
من خفّت اعماله على الميزان
ماغرآه ثقل . الانف الطاغوت
البخل في الغيبه من الايمان
لو البخل عيب و عليه ثبوووت
تغيّر الووواحد مع الازماان
ايخلّي الفرصه عليه تفوووت
مايظهر الطيّب من الرديان
اليا لقى كل الحظور سكوت
ولا يعرف ان الامن والامان ؟
مضفن على بعض المتون بشوت
اللي يجي مثل اكبر الضلعان
لازم يخليه الهووى منحوت
يعني لا تحقر غصن عود البان
ينبت لا ونّه وسط بطن الحوت
انا مع الدنياا وسيع بطاااان
استاهل اوسع ثوب ووسع كوت
مهما كبحت الوجد و الحرمان
هاذي ملامح و جهي المبهوت
ماعاد الي قدره على السلوان
دام اجمل الاشياا بقى ملفوت
حتى القصيده ملّت الاوزان
لوووو تستفز الدُر و الياقوت
احيان اشيّب قافها و احيان
يادوب اوصلها ثماان بيووت

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • التعليقات المنشورة غير متابعة من قبل الإدارة. للتواصل معنا اضغط هنا.
© 2022 - موقع الشعر