الوضح السناد

طوّح الهوبال ياراعي الوضح السناد
لين تجذب قوة الصوت كل مذلّفه

خلها تدحم بعضها على وسق الشداد
دامها من كثر خبط اللبيد مولّفه

لا ترددها على الريع الاشهب والحماد
لو تعلّفه سنه ماتقول معلّفه

زال ماخضت فياض الجنوب ام الزباد
لا تقول البل على اللي سواي مكلّفه

زينها ترعى نبات المشاقيق الجداد
والجنْب معزول عن درب كل مضلّفه

كنّها في قاعة الضلع مبهوت السواد
زبدةً في جنب تمر القدوع مغلّفه