جديد المسجات الشعرية للجوال، فيس بوك و التويتر

تستطيع تخصيص العرض عن طريق إختيار احد الأقسام في القائمة

إن تعثرت بحجر توك حدير .. وإن تعثرت بشر ما حولها
شاعر ليا مني كتبت الشعر والّرمس تفز الحروف اللي بها الجرح تبكيني ليا ذكرت الماضي اللي مضى بالامس تهل الدموعّ و يقبل الحزن يأتيني تعبت من السهر مابين هاجسّ وّ همس اتعبني الجرح ينزف وينزف كل مافيني
لاعاد تنشدني وخذها صريحه= كملي سنه من ضيقة الصدر أعاني= ومن ضيقتي شديت سرج القريحه= وماني غشيم ابشد سرج المعاني= لاسج فكري بلا فجوج الفسيحه= اخذت من جزل المعان السماني= اكتب جزيل الشعر وحذف قبيحه= وعلى الطريق الصعب هجسي حداني=
بشرو الغيمه < سحاباتي تغيم > وبشرو حزني < تلاقينا مطر >
السفَرُ متعةٌ عندما يكون فى دروبِ عِشقك وهو دونك قطعةٌ من العذاب #قطوف_من_عشق الشاعر محمد السيد خير
آبن عوض راعي القوافيً الجزيله لاحضر يربك الشعار و سبب خطر يا كم شاعر تحداه وّ انهزم والفشيله يوم صار ملعبه في كل { سطـــر }
ادري يفرقنا المكان .. وتباعدت اوطاننا ويومي ابي وقتي معك الغي عقارب ساعتي واذكر عيونك دنيتي 🌹 والرمش بلحاظ حسان وتصير ايدي في يديك ونصير نملك هالزمان ويختفي بعد المكان..
تمنيتك رجا.. تمنيتك عطر وانفاس تمنيتك مثل النديم.. ينادمني وازيده كاس تمنيتك عواطف حب.. وكل تغريدي تمنيت المزون كثار .. وانتي شايله الافراح تمنيت العيون اسرار .. وفيكي الرمش يومه لاح..
اشتكي غربة بروحي م ادري لمن .. صار شوق القلب ياخذني بعيد كن روحي تايهه وما به وطن .. ذي ليالي السهد عادت من جديد
ياعاذلي لو للغلا رسم ٍوتدوين.. دونته لخلي بطعمه وزينه الروح لك فدوى يااريش العين.. والقلب تحت امرك وانته وتينه
حبيبتي انتي الفرح والسعد ترجمته عينيك حبيبتي ليلي شقا والراحة نظرة مقلتيك
اشوف الكون كله اذا تبسمتي سهر.. واشوف نجمه فوق كل شفه تستجير اكيد يغار من ضو وجناتك قمر .. والاكيد النواعس سحرها بك مستطير
هذا الغلا انتي وزهر الربيع انتي ياكل لحظات الغرام عودي كما كنتي
الجرح يمكن له طبيب.. يكتب له علاج ودوا مير البخت وينه دواه لاصار له صوت ن مرير وبالكون مافي له مجيب
تدرين وش بعد القمر وش كثر حبي للسهر وش كثر اعشقكي ظلال واعشق معك .. كاس ونديم دامك معي .. بيدي القمر وفي بحر خديك السهر والقلب منكي يرتوي ويداعبه عشق ونسيم
عن العشق يسألون قلوب المحبين فيما اذهبوا سنين العمر الضياع وقد تركوا ملاذ الحياه ومضوا في دروب قلب في كل شيئا يطاع وترى النجوم تتلألأ في حديثهم بكلمات تشفي القلوب الجزاع وفي وصفهم تجد جمال الكون باكمله وكل شيئا قد خلق مستطاع وتظن انك لن تسمع منهم في يوم قول كلمه وداع لكن الدهر لا يقضي شيئا الا وله معه صراع تفرق من كان للحب عابدا والشوق والشعر له طباع تراه هذيلا لا قوه به ولا في صدره شيئا يذاع وقد اشتعلت في القلب نيران من كثره سنين الخداع ويلعنوا كل من ذكر أمامهم ان الحب كله مرحا دون امتناع
كل عام وانتي عمري وكل شي يملي حياتي كل عام وامتلي من زود حبك وانتعش بعمر جديد.. يا كل ما لي ولي منك ما فات... وآتي اليوم انا عايش بجوك ومالي شي اعيشه وحيد.. #البحر
رونق جمالك كَوَجْهِ اَلْقَمَرِ رَوْنَقًا أَنْتِ ياَ زَهْرَةَ اَلْوَرْدِ كَعُودِ اَلْطِّيبِ بَلْسَمًا لِرُوحِي بِهَفَةِ اَلْعِطِرِ كَإْشْرَاقِ اَلْشَّمْسِ أَنْتِ حِينَ بزوغِ اَلْصُّبْحِ كَجَوهَرِ اَلْمُلُوكِ يَسْتَهْوِي اَلْنُّفُوسَ بِالنُّورِ كَحُورِ اَلْجِنَانِ أَنْتِ مُتَوَسِمَةً بِهَيْئَةِ اَلْبَشَرِ كَجَدْوَلِ اَلْفَرَحِ يَسْقِي لَوْعَةَ اَلْشَّجِيِ بِاَلْصَّبْرِ أَكَمِثْلِ مَاذَا يَرْقُبُكِ قَلْبِي يَا بَدْرَ اَلْتَمَامِ عِنْدَ سُطُوعِ خَرَزَاتِ اَلْلُؤلُؤِ فِي موْضَعِ اَلْثَّغْرِ أَكَمِثْلِ مَاذَا أَصُوغُ وَصْفَكِ يَا أَيَةَ اَلْجَمَالِ بَعْدَ مَا ذُبْتُ فِي غَمَرَاتِ اَلْعُيُونِ بِاْليُسْرِ أَتَحَيَّنُ رَجَاءَ اَلْغَفْوِ فِي كُنْهِ اَلْغَرَامِ بِأَفْنَانِ أَطْلُبُ لَكِ وَصْفًا أَسْمَى مِنْ عُنْوَةِ اَلْسِّحْرِ
فى المرة ( السابقة ) ساعتاد على وضع عقلى فى حوض من الزجاج ، وساغلقة باحكام شديد . حتى يرى فقط دون أن يسمع
1.الالف ابياتي بنات افكاري بديت فيها وابتدى مشواري اللفتها وانا الجزايل ضاري وابدا قصيده نبضها وجداني قصيدتن مامثلها مرجانه خلقتها وربيتها باحضانه قلبي الجزيل اللي قصيد اركانه واريتها ماء الشعر واللحاني مجنون واعرف طبعها مجنونه خطافة الانظار بي مفتونه الشكل شكلي ولونها من لونه حتى غدا منطوقها عدناني 2.البا بما إنا نحب الغفله او بالاصح اصبح مرضنا جفله هاتوا مع الاقلام قيد وقفله يمكن اقول الحق واصبح جاني ويمكن قصيدي ما يروق الباله لااحد يعاتب ضربتي القتاله الوقت هذا طيّح الخياله وابن الردايا مهتني باوطاني ايام مدري وش هي الحريه في عين حاكم يكره الثوريه ضد الطغاه اربابه المخفيه لامركزه اول ولا هوثاني 3.التا تواريخ الزمن ماتكذب الكاذب اللي ما انعرف له مذهب واللي اشاعاته تهز الكوكب ساطي وكلن ربعه وخلاني زاد اتّهاماته على الارهابي قاتل يحاول بالخداع ارعابي يصنع كيانه من كتوف اعرابي خلوه ربعه بالطعون ايعاني يومه نزف جرحه فزع له ربعه فزعاتهم هل مات خمس او سبعه مافكروا حتى بإن الضبعه اللي سطته اتعود للوحداني 4.الثا ثلاث ارباعنا نتجاهل نعبد جهل نكفر جهل نتساهل ضيق وضياع ومثلنا يستاهل نتبع هو الانفس بدون اعناني صرنا رمادا والرماد اعمانا طحنا عميق القاع والنيرانا وانقول مازار الخفوق احزانا وانقول واقوالن بلا برهاني لو كنت متخاذل تبعت الشله اللي تقدمهم دمار وذله انفوس ماتحوي سواها العله متضمنين الذل والخذلاني 5.الجيم جهل الامه المتزايد ادا الى فكرا ضعيف وبايد هشاشة الافكار وضعن سايد والعالم المبدع شكى الطعاني لامن طرح فكره على جمهوره ايدن خفيه تنوضع في زوره كل ما كشف سر انطفى منظوره اما شروه او يختفي مجاني سموه متخلف لاِنه واعي ماينجرف مع كل موج وداعي مبدع ولاهو مدعي الابداعي مجرم مفكر تهمته متفاني 6.الحا حلومك لو تجي محدوده لا تندهش دام الليالي سوده احلامنا كالحر وسط اقيوده مكسور خاطر يشكي الجنحاني يرقى خياله يستعيد امجاده هيهات لو هو ردها ياساده لاكن تنكس كالعلم كالعاده مافيه حيله واهي الاركاني يتصنع الضحكه اذا مروا به وابداخله شعبن ينادي توبه الحزن سبب له غثا و غيبوبه تاهت سفن حلمه بلا رباني 7.الخا خبير الطب ويش اعلاجه للي يخاف من الحكي والحاجه طبعه كتوم وعاليات ابراجه ماوده ايبوح الخفوق العاني شامخ بنفسه مارضى بالطيحه لو كثّروا في طعنه وتجريحه ماهمه القاسي ولا تلميحه مااهتز لو عينه بها النيراني لن الرجل مثل الجبل بطبوعه يقفل على همه بوسط اضلوعه ايموت ماينكر جميل اربوعه وايظل صبارا على الاحزاني 8.الدال دارك ياولد هي دارك ما شي يستاهل تبيع افكارك ازعل ولاكن بالوطن ل اتعارك عمرك سمعت اسواق للاوطاني عهدا علينا نحفظ الميثاقي منحوت حبه بالخفوق وباقي شرياني التاجي يغذي اوراقي حب الوطن اجمل ندا وعنواني واجمل قصيده قلتها ف بلادي واغلى كلامن قلت ماينعادي فيها مماتي سابقه ميلادي واثمن حياه اعيشها بايماني 9.الذال ذخرك بالزمان اخوانك حذرك تفرط في غلاهم شانك اخوك ماهانت عليه احزانك يوم ان غيره جاد بالهجراني حطه بعينك عن عجايب دهرك وارضيه لو تخسر ليالي عمرك غلاه خله بالعيون وصدرك والقلب ماينبض بليا اخواني العز ماهو بيت فيه اموالي العز بيتن يحفظوه ارجالي بيت النشاما والفخر فنجالي بيت الرجال الشامخه لاهاني 10.الرا رفيقك لا تبوح ابسره خلك على قد الظنون وبره واحفظ مقامه والرفاقه دره وش هو حلا وقتن بلا صدقاني ياضيقة الخافق بليا اصحابي بحضورهم كل الهموم اغيابي وبغيابهم كن الجروحي انيابي تنهش بي الضيقه وسط جدراني واتصور الدينا بليا معنى لاغاب صاحب ضحكته تجمعنا وان قلت لي ياصاحبي وش معنى ناظر غلاتك في كلام اعياني. 11.الزا زمان الثرثره والسرعه سرعة تطور والبشر منصرعه كلن ورى الدنيا وهمل شرعه اسمه عمار ودمره الانساني ماعاد نقوى هالزمن تغييره الا نغير جيلنا وتفكيره وانرجع الامه لعطر السيره وانشيد الاجيال كالبنياني هذا هوى نفسى وهذا شفي وهذي منا الخفاق لينه حتفي وان مرت ايامي ومروا حرفي قالوا عسى مرحوم هالعقلاني 12.السين سل هل الذكر لاتخجل محد انولد عالم ولا تستعجل عجل الخطا يا صاحبي لو يعجل ماحصّل الا قسمة الدياني واقرب طريقن للسعاده دينك اقضب عليه ولو جمر بيدينك مافيه شي"ن" بالحياه ايعينك الا رضا ربك عظيم الشاني عيش الحياه الفاخره وايامك في ذكر ربك وافتخر باسلامك وان قالوا الخلان ويش احلامك قول الجنان اوعد بها الرحماني 13.الشين شاعر مختلف عن غيري هادي الطبوع وحقي التقديري مجنون شعري والجزايل طيري القاف فني مسكنه شرياني من قو باسي لا كتبت احساسي دلة احاسيسي دوا المنحاسي اللي جروحه تشبه الوسواسي سابع سما للبوح هي ميداني واللي تحداني يشد اركابه ينخى شياطين الشعر واحبابه وايجيب قافن ما انهزم جلابه وايشوف انا كم واحدن يقراني 14.الصاد صدك ياحبيبي يجرح يجرح خفوقن توه اللي يفرح ليه الصدود وليه دايم تسرح ليتك دريت ان الهوى سلطاني طال الغياب وغيبتك تجرحني واتخلي العاشق يصيح ارحمني مااقول لك زود الجفا يذبحني لكن يبطي الوقت مانسّاني اجيك كلي والامل باعماقي مشتاق مادي تبين اشواقي لاشفت عينك تنكشف اوراقي الشوق مجرم والبعاد اشقاني 15.الضاد ضحكة سن ماتغرينا بعض الخلايق ضحكها يدمينا يضحك معاك ويطعنك سكينا يصبح صديق ويمسي العدواني لاعاد تستغرب ولا تشكيهم الناس فيهم... ويش ماهو فيهم اشكال لو عددت ماتحصيهم من كل شكل ونوع والالواني بعض البشر ماسمت لو ينسامي دايم على ابواب البشر مترامي ياقف نفاق ووقفته تنلامي مبيوع حتى بارخص الاثماني 16.الطا طغى هامان مع فرعوني حتى تجرّا وقال هذا كوني وجهه صقيع ابرد من الكانوني مريض فعليّاً مرض نفساني لوكان يدري بالنهايه يغرق ماكان بيبان الكباير يطرق نهايته ذل وهوانن يبرق هذا حليف الجهل والطغياني هذا صنيعه والجزا من جنسه وعد الاله اللي فرض هالخمسه شهاده وصوم وصلاة الخمسه وزكاة مال وحج معها ايماني 17.الظا ظروف العيش ما يصفن لك لو دامت القارون ماتوصل لك اقنع وتكسب بالرضا وتتمللك كنز القناعه والرضا كنزاني اموالك اللي بالزمن تجمعها من دم خفاقك شقا تدفعها تفنى وتفنى يارفيقي معها والخاسر اللي ناسي الاكفاني يومن نوقّف والعطش غاشينا مابه ظلال ولا ذرى يذرينا والشمس شبرا فوقنا وتكوينا الا الذي في خالقه ماخاني 18.العين عيناك الرفيق الوافي ترا الرفيق ان طاب ماينعافي اصيل طبع ومستحيل ايجافي على النقا ماهو من الخبثاني لاطحت شالك والوفا له نيه وان ضقت جالك فزعته فوريه ماهو من اللي يعتذر بالجيه طبع النداوي مارضى النقصاني ولا الردي رفقة مصالح تمشي ماهو بصاحبنا صويحب قرشي ماهو وسط عيني ولا هو رمشي غايب وهو حاضر على ميزاني 19.الغين غابت من سنه واشقتني تلك التي في حسنها اغرتني لوقلت عنها للانام ابكتني صدقا انا مدري سبب حرماني مدري ذنوبي بالزمن عملاقه ولا خفوقي فاترات اشواقه مشتاق نفسي اتقول لي مشتاقه واخلي بها لو موتتي تلقاني هذي صلاتي واتغزل فيها لاتحسبونه في بنيه اغليها صلاة ليل وكنت ماخليها واشتقت مدري حبها ناداني 20.الفا فرضته باحترامي قدري ولا فرضته بالكلام المقري والصمت يازينه وكم هو مغري والبوح مخسر باغلب الاحياني ماني جبل بس الجبل يتمنى انه يطاولني ولو يتعنى ماهو غرور ابداخلي يتغني بس الفعايل حجتي وتبياني وانا افتخر ان طيبتي عذروبي وعندي كرامه والوفا مكتوبي ولا الشعر ماقول كل اذنوبي واستغفر الله كانه اللي اغواني 21.القاف قالوا لي وش اقسى موقف قلت القوي ان طاح دمعه يذرف ولا الوداع اللي جروحك ينزف ولا وفاة اللي بلا ولداني اصعب جروح اجروحنا المخفيه يخونها التعبير والقافيه البوح يجرح كنه الشبريه والصمت شبه الموت باالبركاني وان طعتني صمت بكرامه خيره وافضل من انك تشتكيها الحيره واللي خلق كسره خلق تجبيره واللي يظن بقولتي غلطاني 22.اللام لاهب الغضب واشتدك حذرك تثور ابشخص ماهو ندك لو كل من ينبح لقمته ردك استصغروا عقلك مع الازماني ل اتكون سطحي تزعلك رديه ولا كلام امقلبين النيه اما تكون الهزه الارضيه ولا تكون الهادي العقلاني كون الصدوق اللي شهدلك فعلك وان خفت خاف من الولي لاتهلك واقنع بها الارزاق لو ماتملك محدن مخلد كائِناٌ من كاني 23.الكاف كافر بالنفاق الديني اللي يزخرف فتوته في عيني ياشيخ بعد اذنك دليل اعطيني كل ماسئلتك كنك الصماني وان كان قصدك بالمجامل لطفك شكرا على الاحساس وايضا عطفك بس السنين اللي تعجل قطفك حاول تكون العالم الرباني الموت واحد والليالي تمضي لابد من ليله حياتك تقضي اما تعيس اتموت ولا مرضي ولابد ما ترقد بلا خلاني 24.الميم ما جتني على مشهاتي دينا تخالف طيّب النياتي ياكنّها من فرحتي تقتاتي ماتضحك الا الصاحب الوجهاني حتى اقتنعت الفانيه مزيونه وان الهلاك ابضحكها الملعونه حكمه عزيزا عالما في كونه والمشكله طبع البشر شهواني لن الجنان اطرافها عثراتي والنار حف اطرافها شهواتي الخاسر اللي يتبع الرغباتي والرابح اللي كاره البطلاني 25.النون نادي لي السهر ارهقني قولوا له ان الليل كم رافقني كنه سرق نومي وبعد يسرقني والعين تشكي ناظري السهراني واللي مسهرني ثلاث اشيائي اما ذكر ولا شعر او دائي داء السهر دايم يزور اجوائي مافيه ليله ما يزور اجفاني والعله اللي داخلي جنيه عشق الكتابه والشعر ليليه كل ما ابتعد عن ساحتي الشعريه ارجع والاقيه الشعر غناني 26.الها هطلت من الفكر ابياتي هليتها وزخرفتها كلماتي الفيّتي منطوقها نبضاتي الفيتي شكلتها قيفاني متنوعه متميزة الاوصافي اجزلتها اعدادي واشرافي قطعه من القلب الصدوق الصافي وماقلتها ودي مديح اوزاني ماقلتها وانا الثناء انتظره ولا انتظر كلمة قليل الخبره هذا شعور القلب واخر صبره قصيدتن منطوقها عدناني 27.الواو واثق والثقه من طبعي ماني بمتخلف ولاني رجعي مؤمن لغيره خالقي ما بدعي الاسلام ديني كامل الاركاني حضارتي ماهي صنيع الموضه ولاهي غشاها من زماني فوضه واجمل حياه اعيشها مفروضه صلاة فرض وتركها خسراني ربي العظيم اللي خلقنا وابدع الانس والجاني لملكه اخضع حتى الجبال الراسيه تتصدع سبحانه الواحد ولاله ثاني 28.اليا يالله ماطلبت اللاكا ارحم ضعيفن بالدجى يخشاكا واغفر ذنوبه يوم هو ناجاكا عبدك ومهما طال عمره فاني انت الرحيم اللي خلقنا نخطي واستغفرك عن كل ذنبن مبطي مذنب وطامع في الهي المعطي مالي سواك ان ضاقت الاكواني وارحم جميع اموتنا ياربي واجعل سبيل الحق نور الدربي واعفوا عن اخطانا ونوّر قلبي وابوي وامي احرمهم النيراني بقلمي الشاعر عدنان البطوش
الحب مثل الشتاء يا من تحبون -وتبرد مشاعرْه دون الي أحبّه والقرب منّه دفأ يللي تِحسّون -شوفوا اللهب من يديّاته وشِبّه لو جيت وألبس ملابس ما يِدفّون -دام المشاعر صِقيعه دون عِبّه
المـــال لـو جـــاب المــدائـــح بالابيــات أسـمك بوســــط الــبيت عــيبٍ نــعـده منتــا مــن الــــي يــرتكــي لـثـقٰـيــلات ولا فيك مـــن الميزات ميــزه فــريـده ولا فيك مـن وسوم المراجل علامــات وفِـي صفحتك مـــا فيه شــــيٍ نعــده حـرام فيــك الحـرف وشلــون الابيات والله جريمــه مثـلك بالقصائـد نشــده والناس مــــايخفي عليه ماضين فــات والـــي مضى مــا تقــدر تلغيه وتعيـده ولـو تملك مـــــال و قصــور وعـمــارت وتملك بـعـد نــــص المســـاحـه بـجـده فــقيـــر فــــعــــل و مغتنــــي بريــلات ولا تغنــي الـــرجــــال مـــــالان يـعــده لــصــار مـا تـرقــا بــــرأس الطويـــلات فــــــي ساعـتن مـفـيـه عـنـهـــا مصـده مــانــت مــــن اهـــل ألـوفــا والمــروات لـو كــــان ابـــوك بـشــدايــد نــــعــــده عبدالمجيد الرشيدي
© 2004 - 2018 - موقع الشعر