>>

الشوق يفضح وإن ترى ماله لسان
ﻻ صرت عاشق كل شي بك تكلم
يا قلب يسكن فيك غالي من أزمان
أبوس رأسك بإسمها ﻻ تعلم

الشاعر سيف الغسيني

كلك هناك وتسكن القلب فيني
وكلي هنا والقلب ماهو هنيا
تعال خذني لك فرح واحتويني
وافرد رموشك خلني آتفيا

الشاعر سيف الغسيني

أبيك تقراني مثل ما قريتك
وابيك تفهمني ولو ما تكلمت
بحثت عنك داخلي ما لقيتك
وأصبحت أسولف في غيابك مع الصمت

الشاعر سيف الغسيني

دنياي من دونك وش الي تساويه
ﻻ غبت ضاقت دنيتي في عيوني
بعدك يجيني الهم غصبا" وأخاويه
وأحسني ميت نسوا يدفنوني

الشاعر سيف الغسيني

يفداك قلبا" ما عشق غير طاريك
ويفداك نبضا" ما يبي غير قلبك
لو هو بيديني في خفوقي أخبيك
مجنون فيك وحيل كلي يحبك

الشاعر سيف الغسيني

قلي تصاحب من وأقول من أنت
كلٍ على شاكلة أصحابه يكون
إختار لك صاحب يقوّمك ﻻ طحت
وإبعد عن الي للمهالك يجرون

الشاعر سيف الغسيني

تبسمت لي ثم قالت أحبك
وأجلس أجمّعني عقب ما تبعثرت
وابي أرد أقول .. "فديت قلبك"
ضاع الحكي مني وﻻ أدري أنا شقلت

الشاعر سيف الغسيني

أبسألك عن شي .. عطني الإجابه
من علم رموشك كذا تذبح الناس
هذا وانا عامل لرمشك حسابه
بس هو رمشلي وإنتفض فيني إحساس

الشاعر سيف الغسيني

إن نابني خطب يروع سكينتي
ألفيت عندك ما يزيح مصيبتي
سبحان من يقضي حوائج عبده
بدعائه، يقضي  المجيب  بحاجة
فسل العظيم ،له خزائن وفرة
يلقي فضائله عليك بكثرة
لاتنضب الأرزاق عند مليكها
ويد تطال إلى المليك بدعوة
إن الغني به كفى طلب المنى
لم يفتقر عند العباد بحفنة.

يا مـغرد خـلاف السرب كـافـي كـفاك
دايـم اللـه مـذنب فـي بعيد وقـريب

لا تـخـيّـب رجـانـا خـيّـب اللـه رجـاك
ما نفع فيك صبر ولا قطع فيك طيب

علوي الباشا

>>
© 2022 - موقع الشعر