مرابي نجد

لـ سلطان الحويقل، ، في غير مُحدد، آخر تحديث

مرابي نجد - سلطان الحويقل

غطرفيّ يامرابي نجد جو من شمال
واسرفي ف الحدايا واخذي حليّها

لين صوتك تلاحيه الهضاب الطوال
والغصون الضليله تلبس عبيّها

والهوى يزعجه على المدى والتلال
والعدود القديمه تردح دليّها

والبساتين لا ساق النهار . الزوال
غنته مع بلابلها و قمريّها

من ثلاثة شهور ايغيب وجه الجَمال
عن مداهيلك اللي توحش خليّها

ماهوب شرط يسقيها حقوق الخيال
لمّة البدو تبهج عين طرقيّها

هاجرينك متيهْة الشناح الهجال
في فياضً تغطّي راس مرعيّها

كل عراً ) رعتّها معتريها هزال
مايجي مدّه الا بانيً نيّها.

عاد كيف الطياح اللي عليها حوال
يمكن اللي حريص ايربّط الحيّها

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • التعليقات المنشورة غير متابعة من قبل الإدارة. للتواصل معنا اضغط هنا.
© 2022 - موقع الشعر