مرابي الوعول

ابو مشعل اتهجس بعالي جبال الكود
مرابي الوعول اللي في الحيد يرعنَّه

عوالي الجبال اللي تكود القوانص كود
ولا يطلع الا من عظامه يشلنَّه

انا وبن هادي صالح اللي سياره فود
على حسب ضني جا ونا جيت في ضنَّه

وهادي وابو سالم وسالم رجال الجود
رمات السلب ضرباتهم ما يطفنَّه

بصافي الحديد اللي بلاها من المزهود
هدفهن نصف يصتاب ما كان يخطنَّه

ركبنا على اللي لا مشاء في هبوب النود
مع جو خالي يلحقنه وزلنَّه

نضاف المكاين والبدي غايت المقصود
جداد التواير يطون البعد يطونَّه

ويا ما حلى صندوقها بالعزب مشدود
متى اشمر بثالث تسمع الصوت له حنَّه

اخذنا ثمان ايام مابه عليهن زود
برحلة قنص من ثاني العيد يبدنَّه

ولولى دوامي والعمل حضه المقرود
طرحنا عليهن مثلهن او يزيدنَّه

ويا من تنشدني تبا مني المنشود
يطوفن جبل لثعال وجشوب طافنَّه

من البير لمَّا حجر اشعابها وحيود
مراعي خضيره والضباء فيه مستنَّه

وقنص الجوازي في عوالي الحيود السود
يسلَّي فواد اللي همومه يرودنَّه