عادة ٍ بالحب محظوره

على مزن ٍ به اعجاب القلوب وريحة الاحباب.
توجدنا .... وعاتبنا عيون ٍ فيه مذكوره.

أحبه لو تلملم في عباة ٍ للجفا بغياب.
وأحبه لو بقت ساق الوصل بالوقت مكسوره.

يغيب ويشتهيني شوق قلبه والهوى حطاب.
وعروق القلب بالاشواق نيران ٍ ومسعوره.

أقلّب في رسايلنا...وله.. وإعجاب.. ولاّ عْتاب.
وأسج بصورة ٍ تبقى بجوف القلب محفوره.

مدامه بايع ٍ قلبي على سوق العنا جلاّب.
أقول إن العنا ... ديره ... مع الايام ممطوره.

تركته .. ما تبعته .. وأنقهر من غيبته منصاب.
كسر قلب المحبه .... والمشاعر عنه منهوره.

لها من خافقي جُمله .. وتكتب في جناح كْتاب.
عساها ترسم الجمله ... كفاها تفهم الصوره.

تجيني قبل مايمحى ظلام الليل نور غياب.
تجيني فوق ساق ٍ للوصل بالعذر مجبوره.

وإذا عاند زمانه ثم تكبر والغياب اركاب.
تبي تلحق عليه انياب .... تجرح يومه ونوره.

يبي يحتال به وقته ..... ويشكي بالغياب انياب.
وتبي تقرآ لنا الايام .. بالآهات منشوره.

يكابر بالقفا يبغى الجفا.. يفتح له الابواب.
تغلاّ ....! والتغلي عادة ٍ بالحب محظوره.