الشاطري .!! - صالح بن عمار

سر ياقلم ..! فوق الورق والعناوين.
( ردٍ على اللي .! هقوته في حمانا ).!!

رمي الرسايل والحروف المشاحين.
عكّر مزاجٍ ....... مارضى بالطمانا.!!

اخطوا.! وحجتهم بلا راس وايدين.
وحرفٍ رمانا ..... ماوصل مستوانا.!!

نقض الحجج ماعاد يبغى براهين.
حنا ......... وطانا حجته وانتهانا.!!

زاموا و زمنا.! وادبروا مستخيفين.
اخطوا خطاهم.! واستحقوا خطانا.!!

هداتنا ..!! مثل الحرار الشياهين.
شِطّر ياسِعد اللي من الجور جانا.!!

الشاطري ياهيه : واسمع لعها زين.
مادام جبت العيد ..!! دارت رحانا.!!

نادى البنان .! ازنادها والنياشين.
وزناد فكري ....... مايخون البنانا.!!

نذرٍ علي لتاخذ الصاع صاعين.
وجرحك .! يبا يبطي معك مانسانا.!!

ياهيه شور اهل الفتن والضعيفين.
يظمي ......!! وحنا لا نذرنا وفانا.!!

حطوك في وجه القوافي شياطين.
واكلتها بلحيتك ........!! وانته ترانا.!!

ثلاث في ساعه على كبدك الحين.
تذكار لك عني ........! ومني بيانا.!!

يامصدرين العلم.! للحق تحصين.
وتاريخنا ......!! للي جهلنا قرانا.!!

قدامنا ....... مايقدر يقول حرفين.
لكن يقدر .....!! لو يبي في قفانا.!!

اشجع رجل بالعين .! وتحبه العين.
رجلٍ هرج بالوجه ....! ماهو ورانا.!!

من طبعنا .! مانرمي اللي مقفين.
حاضر بحاضر ... لو تنثّر دمانا.!!

مانقبل الزله ...! من يسار ويمين.
واللي نطخه غصب يطلب رضانا.!!

لكن ...!! لو جابه زمانه بعد حين.
شفنا ..!! الادب والاحترام بلقانا.!!

شرواه شرّوى قم لو منطقه زين.
الطبع طبعه ...! والطبايع ظمانا.!!

ألآد شاطر تنطح الخصم وتهين.
واللي جهلنا.! ينشد اللي عصانا.!!

حنا ندق الخشم .! اوّل وهالحين.
نسطي ..!! ولامنا غزانا سطانا.!!

لو ينشد الايام .! قالت من سنين.
الخصم يخضع ويتحاشى عصانا.!!

شِطّر على مصع الجماجم جريين.
بالسيف والاّ الشلف .! والاّ يدانا.!!

قاسين وقت العسر واللين قاسين.
حتى الدهر .... لو عضّنا ماقوانا.!!

اليا هرجنا .! نثمّن الهرج تثمين.
نحفظ مجالسنا ..! ونحشم لحانا.!!

وان كانها بالشعر جاتك براكين.
تطبخ حمم .. منها المعاني بنانا.!!

حنا تربينا .! على الطيب والدِين.
وبالمرجله والشعر .. حنا نشانا.!!

اعرف مقامك واترك الشين ياشين.
والاّ ترانا .....!!! لا وطانا وطانا.!!

© 2024 - موقع الشعر