ليلة محبه ....!! بعدها قامت الثوره.
في ساحة الروح والثوار مخبوره.!
ثوارها ......!! شوقنا والود واللهفه.
في ليلةٍ من حنان الروح ممطوره.!
يابحة الصوت .! لا ياسهرة البارح.
يافتنة الليل .!! للشاعر ودستوره.!
البارحه ....! ودنا لو تاقف الساعه.
ماودي الصبح .! يزعج جوّنا نوره.!
جواهر الشعر تكتبني وانا اكتبها.
وانفاسنا.! بين ملهوفه ومسروره.!
ليلة شتاء .! والدفا بكفوف مشتاقه.
اعيش زلاتها .... واقول مغفوره.!
ياجنّة الروح ..!! لا ياروح شاعرها.
يالذّة الشعر.! بالافكار والصوره.!
عطر الوله لو يعانق نكهة اخدودك.
تفاح فوّاح.! واللحظات محظوره.!
ان جابك الحظ والاّ خابت ايامه.
رغبات الارواح .! منهيه وماموره.!
الله عطاك الجمال وصرتي اعجوبه.
لا والله الاّ بعين الشاعر اسطوره.!
فخامة انثى عليك اوصاف حوريه.
مالك وصيفه لو ان الغيد مقهوره.!
زحمة مشاعر تحرّا لك مع ايامي.
لا يبرد الحب.! دام الروح معموره.!
يا ليل في صدرك العشاق سهرانه.
واسرارنا دونها الاضلاع مزروره.!
ياليل عمرك قصير ..... ولا يكفينا.
وساعاتنا مالها لحظات مقهوره.!
اسابق الوقت ليت الوقت يمهلنا.
ومعذوره ابياتي اللي فيك مغروره.!
يا ليل .. عذالنا .. و اعيون سبّاره.
نيّاتها بين مفضوحه و مستوره.!
يافتنة الروح ..! من لذّة سواليفك.
الآه من دمها .! القيفان منثوره.!
يبراني الليل .... لكن لو تعداني.
بيديك لو تفهقين الليل مشكوره.!
اظمآ عيونك ..! واعوّد يمّها كلي.
ابيك قبل الصباح يقوم عصفوره.!
ودي عيوني تروّى من تفاصيلك.
اعيش فيها سنين العمر وشهوره.!
يوم الهنا شوفتك ومغازل عيونك.
وجَيّتك تسوى كنوز الكون مزبوره.!
على دروب الهوى وقفّت اغني لك.
اظروف الاحباب للاحباب مقدوره.!
اليا فقدتك .! اضيق وحالتي حاله.
يا ثقل الايام .. والاحلام منهوره.!
اسج بالفكر .... واصوّر معاناتي.
في بيت فاخر تمكّن مني اشعوره.!
عيني غزاها السهر بغياب غاليها.
وصدري مدينة غلا.! لكن مهجوره.!

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • بعض صور الشعراء و الشاعرات غير صحيحة، نرجو تبليغنا إن واجهت هذى المشكلة
  • إدارة موقع الشعر لا تتابع التعليقات المنشورة او تقوم بالرد عليها إلى نادراً.
  • لتواصل مع ادارة موقع الشعر إضغط هنا.
© 2019 - موقع الشعر - بواسطة شركة المبرمجين