اطلبي روحي تجي لك بالقصيد.
واعتقي روح الجروح الخافيه.!!
ازهميها ..! كان للعاشق رصيد.
وأنطقي صمتي بكلمه شافيه.!!
ودي ....!! اجدد غرامي لك واعيد.
بس خوفي .! تجرحين القافيه.!!
مثل جرحٍ ( لا تذكرتك ) ... يزيد.
والجروح الماضيه .. لي كافيه.!!
شلتها من عام .! مابه من جديد.
المهم ..!! اني بخير وعافيه.!!
كنت ابي قربك.. تدلل وش تريد.
يوم كنتي .! حلم ليله دافيه.!!
انتي ..! اجمل ماخلق ربي اكيد.
في عيوني لو كتبتك جافيه.!!
جيّتك .!! صحّت لها جرحٍ عنيد.
من سنه .! بالروح عينه غافيه.!!
ليه ياعين الغلا .! وش تستفيد.
ليه.؟ واكفوف المواجع وافيه.!!
من سنه جيتك ادوّر بالوريد.
ولا لقيت الا : مشاعر حافيه.!!
العطر ..!! بين الزجاجه والبعيد.
والدفا بين الغصون الضافيه.!!
هيه يا حرفي مادام انه سعيد.
ابتسامة جرح،! فيها العافيه.!!
علّمه (صالح على خبره وحيد).
اكتبه .! لو كان شمعه طافيه.!!
انتهيت وعلّم (انفاس القصيد).
من مَلَك شعري وهز اطرافيه.!!
كانت : اجمل في عيوني والأكيد.
بالشعر : تملك بحور وقافيه.!!

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • بعض صور الشعراء و الشاعرات غير صحيحة، نرجو تبليغنا إن واجهت هذى المشكلة
  • إدارة موقع الشعر لا تتابع التعليقات المنشورة او تقوم بالرد عليها إلى نادراً.
  • لتواصل مع ادارة موقع الشعر إضغط هنا.
© 2019 - موقع الشعر - بواسطة شركة المبرمجين