نهاية حبنا .!!

حرفٍ يغرّد ياعسى الزين يوحيه.
والاّ ياليته .....! بالدواوين يقراه.!!

يفوح به .! عطر الغلا في معانيه.
واسلّمه سطرٍ .... يوديه الافواه.!!

الغايب اللي حاضر بجوف مغليه.
يصعب علي انساه والاّ اتناساه.!!

غايب ...! ولا قَدّر شعورٍ يناديه.
والشوق .. ياكل بالوريد وخلاياه.!!

عامين اداري للمشاعر واداريه.
عايش مابين الشوق والهم والآه.!!

جوفي .! تزاحم بالغلا والمشاريه.
والاّ الامل متعلّق الوصل بيداه.!!

ياكثر من مرّوا.! على قلب هاويه.
واهملتهم ..! بين العنا والمعاناه.!!

ماحركوا قلب الغلا عن كراسيه.
ومحدٍ ملا عيني علشان نهواه.!!

غايب عن عيوني ولا غاب طاريه.
الله عطاه القلب واهمل عطاياه.!!

ان كان يوحينا يغرّد ...!! ونوحيه.
حتى لو انّه يطلب الروح تنساه.!!

وان كان يقرانا .... يمرر قوافيه.
واللي علي اغوص بحره ومعناه.!!

لكن ماغرّد ...... ولا بان خافيه.
اقفى ولا ودّع ولا قال وش جاه.!!

صارت نهاية حبنا(شطر اغنيه).
انا اول العشاق واخر ضحاياه.!!