أمر السجود

لـ وليد رأفت محمد، ، بواسطة سماهر، في غير مُحدد

أمر السجود - وليد رأفت محمد

فى البدء كان
 
طين فى المكان
 
آمر الإله كن فكان
 
آدم إنسان
 
السجود
 
كان أمر من الله الودود
 
الأمر مبدوء للوجود
 
هز الجمود
 
فتح عينيه
 
سجدوا الملايكة وانقسم منهم شيطان
 
وأهو من زمان
 
النار دى ختم / النار دى وشم
 
النار دى آخرة العصيان
 
ابليس من الجنة انطرد
 
تايه معربد وانشرد
 
من رحمة الله انخرد
 
الكره والحقد الدفين
 
فى عينية لادم من سنين
 
باقى على طول الزمن
 
يغوى السلالة اجمعين
 
الا العباد المخلصين
 
● ○ ●
 
صك الشيطان فى الدنيا دى
 
يقلبها طين
 
يخمر عجين
 
دم ودمار
 
شمس المنهار
 
غاوية المغيب
 
ومن لهيب الانتظار يشعلها نار
 
وتبات تبان كل الغيلان
 
بدء العمل
 
وسوس لحوا بالخلود
 
وبالوعود الزائفة
 
ياقلوب جدودنا رهيفة
 
له يا الجدود
 
اه لو مفيش شجرة فى مرة هزتة ولا شدتة
 
ولا وسوسة حناس تسطر عملته
 
وادى بلوتة
 
اه يالجدود
 
فين الخلود اللى انكتب
 
فين القصور اللى حيطانها من دهب
 
وفين وفين وفين وفين
 
ادى الايدين الممسكوين متكتفين
 
وادى الحنين اللى انشرخ
 
جوانا كل ضشىء صرخ
 
ادى عصى
 
ضحك الشيطان
 
ادم نزل تاب استتاب
 
الارض غنت ضمته
 
ومن يوميها وهو عايش غربته
 
شايف العجب دنيا العجب طول رحلته
 
شبح الحياة على الارض رحلة معطبة
 
فيها الغناوى مرعبة
 
عالم جبان
 
أصل الشيطان واقف على حزام كلمتة
 
رابط على الربع جهات
 
كل الحاجات المحتاجات
 
تقدر تنفذ خطته
 
شيطان وفارد سلطتة
 
زمن الشيطان
 
● ○ ●
 
زمن الشيطان
 
ادى الزمان وادى البشر
 
ولكل واحد لغوتة وسكتة
 
ومسكتة ايد م الايادى منته
 
يقدر يعدى محنته
 
بس المهم يقوكن امين على شركتة
 
اصل القاموس اللى فى عبايتة وجبته
 
حرب ودمار
 
توهه انكسار
 
ودموع ونار
 
والشر طاير ليل نهار
 
ياكون حمار
 
الياس عار
 
ماشيين ندبدب على المدار
 
الخطوة دايرة فى كل دار
 
دقة وزار وموسيقى عباد الشيطان
 
كل البشر على لرض لسه بيحلموا
 
بزمن الملايكة اللى انتهى بزمن الشيطان
 
وكل واحد منهم
 
رافع شعار التكتكة
 
غاوى امور الصعلكة
 
عايز يكون مملكة
 
زى اللى كانت مبدا
 
والمبدا من غير خبر
 
زى نقطة وسط حبات المطر
 
مالهاش أثر
 
وادى القدر
 
ابليش وانسان انغدر
 
على الارض يبنوا عشهم
 
وكل واحد منهم
 
للتانى ند
 
ومين يصد
 
ومين يرد
 
اللى العباد المخلصين
 
● ○ ●
 
أه يا الهى الحلم طال
 
جوانا حتى البخت مال
 
ومفيش محال
 
كل الغيلان متنتورة حبة رمال
 
الشر طاير بجنحات
 
والمر مليان فى الكاسات
 
الظلم بات
 
وضميرنا مات
 
ومفيش امر فى المعجزات
 
المنجزات
 
اللى تشيد صرحنا
 
صرح الاله
 
فرض الحياة
 
اللى الهنا بيه امر .

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • التعليقات المنشورة غير متابعة من قبل الإدارة. للتواصل معنا اضغط هنا.
© 2022 - موقع الشعر