السر فـ بير

لـ وليد رأفت محمد، ، بواسطة سماهر، في غير مُحدد

السر فـ بير - وليد رأفت محمد

أخبار
 
أهرام
 
جمهورية
 
عناوين كتيرة مهلهلة ومهلبية
 
إقرا .. أخبار العالم التالت
 
بكره .. فك رموز العالم
 
كف عجوز بنى آدم
 
عرش كبير ع الميه
 
إحذر إحذر
 
قد ماتقدر
 
ياللى بتمشى بقلبك الاخضر
 
حلمك اخضر
 
عايز أبوح .. أمر خطير
 
السر ف بير
 
حاسس جوه العالم عالم غير العالم
 
إيده إيدى
 
كفه كفى
 
عارف جوه ستار متخفى
 
حلمك لسه مدينة موت
 
طول مايكون عفريت ف بيوت
 
عامر ملكوت
 
فارد يأسى
 
ديما عكسى
 
أيوه يانفسى
 
خايف تيجى عليه تنزفى .
© 2022 - موقع الشعر