يابنت زينك فارقن فـ البني فرق

لـ احمد بن مطر الهاجري، ، في الغزل والوصف، آخر تحديث

يابنت زينك فارقن فـ البني فرق - احمد بن مطر الهاجري

يابنت زينك فارقن فالبني فرق
امكمّل لك ربي بزين الوصوفي

اشوف انا بك من سمار العرب عرق
لو مالحق بك عرق لا بد نشوفي

انتي جنوبيه من الغرب والشرق
من وين مادققت مامنْك خوفي

قصرك مهيّب كل عذرى لها طرق
تغتاض منك مخضبات الكفوفي

واليا ضحكتيلي فانا جيتلك طرق
وشلون عاد اليا نطقتي حروفي

وعيونك الثنتين ماهن ترى زرق
متغورقاتن بالعسل تقل توفي

تضوي ثمانك مثل مايضوي البرق
اليا ضوى فاطراف سمر القنوفي

والشعر متحدر على مفرق الطرق
متجليٍ من فوق هاك الردوفي

واللي يحبك لازم يجاوب الورق
يزعج بصوته لا حدته الظروفي

ياجعل يفدونك هل النم والقرق
اهل الردى ومكثرين الحلوفي

© 2024 - موقع الشعر