عودها الريان ما والله بعود اثمامه

قلبي اللي ماتهيّض غير ف أم الشامه
عاجزن قدم مفاتنها لمد حدودي

في ضحى الاثنين كن عيني لها زوّامه
ساعةٍ نفسي تراودني لبيح اسدودي

لا اقبلت من زينها الفارق تقل خزّامه
تعترض بين العذارى ماعليها زودي

لا اضحكتلي بالثمان لنفسي اللوامه
قلت يانفسي عن دورب الخطيّه عودي

عودها الريان ماوالله بعود اثمامه
لامشت قامت تثنى مثل ثني العودي

عيني اللي عن مشاهد غيرها صوامه
تفتن القلب المولع بالعيون السودي

والقوام اللي من الله فارقن باقسامه
بين ردفين ونهود وضامرن مشدودي

منوت اللي فالهوى بيّن عليه اهيام
عاشقن في حبها يبذل لها المجهودي

ان دركها قالوا حقق غايته واحلامه
وان قصر من دونها قالوا هذا المقرودي

يا إلاهي وانت تعلم عبدك واثامه
يرتجيك اللي ذنوبه كل يوم بزودي

الزمن دوار لو كثرة علينا انعامه
يقبل بقشر العلوم اللي مامنها فودي