ماكل من قام يتبجح بممشاه
يظهر على روس الاوادم بشره
حنا اليا جت للمواقف عطيناه
درسن يهز اموره المستقره
نحطه بخانه مع اللامبالاه
وانطوقه وان راح حبله يجره
يروح منا دون وجهن ولا جاه
علم الردى علمن بفعله يقره
يمشي مدلبح راس من كبر علباه
يونس امع الضيقه ثمانين حره
والا الكفو يازين خطبه ومنشاه
ذكره اليا من مره .. لله دره
يدرى عن السيّه ويقبل بحسناه
مايلتفت للي ضنونه تفره
متبيّنن ماغره الكبر واغواه
يوم الردي اغواه كبره وغره
عند الكرم ماصر ماله بمخباه
يبدي مواجيبه بيمنىٍ تسره
ماينفع اللي فات قولة حلالاه
العمر واحد مايعاود بكره
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.