واوجودي وجد من قام يتوٌجد في سنينة

ياإلاهي مالنا غيرك إله ٍ نستعينة
ترْحم اللي سود الايام أبتلتها وأبتلوها

بنيْة ٍ توٌها صغيرة لاعوٌين ولاعوٌينة
عمْامها من عقْب أبوها بكل عذاب ٍ عذبوها

عمرها عمر الزهور بوٌصفها درٌة ثمينة
ذاقة أنوٌاع العذاب بكل كاس ٍ ذوٌقوها

مات أبوها بشهر أغسطس في زمان ٍ ذاكرينة
من سببْ طلْقة سلاح ٍ بالظهر غدر أطلقْوها

وأمها من جور وماشافة توٌفة بالمدينة
وهي توٌصي عمْامها بنيٌة أخوكم وأحفظوها

وأبتدت رحلة حياة ٍ حالها حال السفينة
زود ماهيٌ من الحدايد بالحدايد حمْلوها

الزمن لامايقصر زود مابه زايدينة
سالبين ٍ كل مايملك أبوها وعاقْبوها

ورث أبوها بالتساوي أعمامها متقاسمينة
عزي البنت ٍ يتيمة عمْامها لاماإحتْموها

ولا أكٌتفوٌا بقْصورها وأموٌالها أعيٌال اللذينة
عزي الحال البنيٌة عقْب الأم وعقْب أبوها

جابها العم وسط بيت ٍ كل حريمة ساكنينة
ومن نشيط ٍ لانشيط ٍ لعنبوهم ماأرحموها

دونها باب السطوح بكل قفل مقفْلينة
في ظلام اللي لشباح الليالي همْلوها

للنجوم الساهرة تشكي لها عيون ٍ حزينة
رغم طعنات الليالي طعون ناس ٍ صافحوها

واوجودي وجد منْهٌ بكل نار ٍ واسمينة
واوجودي وجد روح ٍ من عنا الوٌقت أقبروها

واوجودي وجد من يصفق يساره في يمينة
واوجودي وجد من أقْرب عبادالله إجْحدوها

واوجودي وجد حي ٍ في حيٌاتة وارثينة
واوجودي وجد ناس أموٌال الايتام أنهْبوها

واوجودي وجد عم ٍ دين ودنيٌا لاعنينة
واوجودي وجد لقْمه لليتاما إتقاسموها

واوجودي وجد من شوفة تردا بوسط عينة
واوجودي وجد عين ٍ بالاصابع أعمسوها

واوجودي وجد دمع ٍ ياعيونه تنْثرينة
واوجودي وجد منْهٌ روحه إعدام إحْكموها

واوجدي وجد منهٌ قام يقرط في يدينة
واوجودي وجد حال ٍ معْ شقاها كفنوها

واوجودي وجد من قام يتوٌجد في سنينة
واوجودي وجد ورده بوٌسط بستان أقطفوها