محلحل ٍ كل الحلول وكل حل يحل حله

ابتديها بذكر رب ٍ اعتلا كل ما تعلا
طايل ٍ كل مايطول ولم يطال ولن يطال

ربيَ رب البيت ورب القدس ورب الكون كله
من قرب لله ميل ٍ يقربه مليون ميل

البديع الباري العفوَ الغنيَ الرافع البر
العزيزالنافع العدل المقسط ذؤالجلال

السلام المحصيَ القيوم القابض المميت
المحيَيَ المقدرالمقدم الحيَ الجليل

خالق ٍ من طين الانس وخالق ٍ من نار جن
ومحرم ٍ كل الحرام ومحلل ٍ كل الحلال

ومن يعد النجم يعجز لا يعده نجمه نجمه
ومن بغاها هاذهيَه مسطره من دون ليل

جابها من جاء يسوق النوق مهر ٍ للعنوق
ونازف ٍ دم العروق ومن قتال ٍ فيَ قتال

قالها واكد كلامه يوم شاله يوم جابه
من سبا لمصر لفابه لجل ابو خصر ٍ نحيل

محلحل ٍ كل الحلول وكل حل يحل حله
حلها حلحيلها الليَ ما يجيَ بوَصفه مجال

ماشي ٍ ممشى جدوده جيَد ٍ مجد وجوده
باذل ٍ اقصى جهوده نسل ٍ متسلسل اصيل

مايقوَل قول قايل وان فعل فعل الهوَايل
وان حكى عنده دلايل هذي عادات الرجال

الرجل ماهوَ رجل لوَ ما مشى ممشى الرجال
اهل الكرم اهل الشرف لامايردد قال قيل

مزبْن ٍ اللي يدخلون مهلي ٍ باللي يجون
ولا ذكرته يمدحون وراسي ٍ مثل الجبال

دلته في جال ضوٌه بالكرم خوٌته خوٌه
بالشكل لا ما تشوٌه ريحته عبل ٍ وهيل

يوم قالو اللاش مزري للحمل جاء للحمل
شايل وشال الطيب وشال العز وكل ماجاه شال

في زمان العوٌلمه والمفهمه والمقلمه
اشوف مال المرجله درب ٍ ولا رجل ٍ دليل

من التطور والحضاره للرجل حمراء الاشاره
خلت الجربوع فاره وصار فيها العم خال

خصخصتنا عولمتنا خلت الرجل مرتنا
في طمان ٍ طمنتنا من صديع ٍ لا هبيل

وما بين ذا وذا وذاك ومن هلاك ٍ لاهلاك ٍ
لاجنوب ٍ لك جنوب ولاشمال ٍ لك شمال

لو علينا ماعلينا لا شربنا لا كلينا
بلوٌه وفيها ابتلينا وكل عميل ٍ له عميل