وين وقتك يالمهلهل قلتها وانا اتهول - ناصر القريشي

يارحيم ٍ ياعليم ٍ ياحليم ٍ ياحكيم
وحدك ولاغيرك اللي كاشف ٍ سر البريٌه

من يناظر للعلالي طاح ألا ياهملالي
مابه أول دون تالي ولايصح إلا الصحيح

لاسؤال إلا بجواب ولاجواب إلا بسؤال
الشك يزول يزول يزول وخلوٌ الصعبه عليٌة

دون لافكر تلبي شبي يانيراني شبي
غربي شرقي شرقي غربي وكل متجمد يسيح

يوم شفت اللي نشوفه كل منهم له صفوفه
عزي للوٌقت وظروفه راح وقتك يالحميٌه

عزي الوٌقت ٍ مضى كانه رضى أو مارضى
أمقدر ٍ صار وقضى والكل راضي ومستريح

وين وقتك يالمهلهل قلتها وانا اتهول
يوم شفت اللي يتسول لعنبوا النفس الرديٌه

الرجل زمزم مريته يمشي ومتمسكه بديته
وقام يشكي لك قضيته وينثر العبره ويصيح

حالته حاله كسيفه فالشتا وإلا في صيفه
مايتطهر بالف ليفه وكلهم نفس القضيٌه

اسعى يسعى معك ربك المثل ذا ينضربك
وين شرقك وين غربك كل متمايل يطيح

مابقى بالوٌقت ضال ولاعلى حالك ضلال
وجرب العيشه حلال وجرب اللقمه هنيٌه

ديننا دين التساوي ومن كتاب الله التداوي
لايغرنك الهقاوي باليهود وبالمسيح

وين وقت ٍ راح وروح وين تاريخ ٍ تطوح
وين ابو قيس الملوح وين ليلى العامريٌه

وين تاريخ ٍ لعنتر طقه مسمار ٍ وبنشر
مانسيته كيف ابذكر لعنبوا رجل ٍ شحيح

وين صلاح الدين وينه الرجل فعله بيدينه
خابرين وخابرينه من العصور الجاهليٌه

وين ابو بشت ٍ وغتره وين ابو مليون فكره
وين ورعانك ياشتره كل منهم في ضريح

الزمن داير مدار وكل منا وسط دار
النار نار الطار طار ولالي فيه ولاله فيٌه

لاجديد ٍ ويتجدد كيف احدد كيف اسدد
عادة المسلم يهدد همه هم غرو ٍ مليح

شفنا عصر المايونيز فيه البنيٌ صار ٍ عجيز
بصفْقة الكاسات جيييز وعزي الحال البنيٌه

لا وليٌ ولا حسيب ولا رقيب ولا عقيب
العيب يطيب الطيب يعيب الدين باهل الدين ميح

راح وقت ٍ لك ياخزنه وجانا وقتك يا اماني
وابرا حالي بزماني ماوراه الا الاذيٌه

صاحي ٍ كنه الصديع ولوٌ تسلم مايسلم
ودي افهم وش تعلم ودنا بعلم ٍ صريح

بدل الغتره بكاب وقام يخاوي له شباب
وصاير ٍ صبحه ضباب وكل خوي ٍ له خويٌه

لعنبوا راعي الرخامه ويش رجل ٍ بلا مقامه
لاالخواله لاالعمامه (وللمراجل هاب ريح)

© 2024 - موقع الشعر