قصيدة قلتها بالاميرسلطان بن عبدالعزيز يحفظه الله - خلف المهيلان

مهي غريبة على حاتم إلى مد
قلبه نقي ومد كفه سحابه

مايحصي الي يبذله لاعطا عد
ولاهي بلا صعبه والا هي غرابه

هذا ابوخالد ذخرنا لا نفح ند
طيبه ينبت مجدب القاع غابه

ومن جاه يذكر سيرة الطيب لا رد
دايم ينومس من يجيه وهقابه

كل المشاكل ياضع لحلها حد
نجم ٍ يضي دايم سمانا اشهابه

عز الوطن لعداه بالمعضله ند
وإلى ترجل سيف عزه إنصابه

يقد نحر الوقت من شذرته قد
وطيبه بعيد الناس جاه ودرابه

من دون زيف وما ذكر به من الجد
وقوله أفعول والتسأول اجابه

رجال مستقبل ويشرق سنا الغد
وامسه يسولف لمتداده صوابه

عين الرضى والمجد بالطيب لا لد
للمعضله من قبل يضحك ابنابه

تنحل بيدينه وبالمفرد يسد
رجال لكنه عن حساب لا به

يسولف بمجده غيرمن حوله الضد
يشهد بفعله لن فعله أنابه

ياكثر ماله وسط قلب الوطن ود
ذراء الوطن عز وفعول ومهابه

ياجايب زين الخبر هاته ود
سلام من حطه الراسه عصابه

هو فخرنا كان الزمن بالعسرشد
هو فزعت الملتاع وادنا القرابه

كلن يحسه له قريب إلى إنضد
كنه يخفف لا تكلم أتعابه

تقول وتفعل يابوخالد والا تصد
عن من زمانه كلبت به احرابه

تقبل اشواقي وفاء يارعى الود
وعساك سالم للوطن يالعصابه

© 2024 - موقع الشعر