شوف السعد في الامير عبدالعزيز بن فهد بن عبدالعزيز آل سعود - خالد بن جبر آل إبراهيم

نجد العذيه ربعت يوم شفناك
شوف السعد شوفك عسى الله يخليك

يا ابن المليك اللي على الطيب رباك
فهد العروبه ل لمعالي رقى فيك

على المؤسس وثق اسمك وسماك
يا معزي الثاني نبيله مباديك

سيرتك بيضاء والفخر دوم يزهاك
كن الفخر جاء لك ملبي يلبيك

وحنا خوالك نفتخر لا ذكرناك
ونزود من زودك ليا حل طاريك

واكبر دليل .. الطيب ل الناس وداك
دايم تَنَشَّد همها وين اراضيك

تقضا حوايجهم على كف يمناك
تنفق على المحتاج ما حاشت ايديك

أنت الكرم إلا الكرم لاذ بحماك
كن المكارم لك عبيدٍ مماليك

وأنت السحاب اللي همل للعرب ماك
وانت الوحيد اللي تعب من يجاريك

لك هامةٍ من فوق ذولا و ذولاك
تقصر خطاوي من يحاول يماشيك

© 2022 - موقع الشعر