اتلوم وقتك - مطلق ناصر ال طايع الهاجري

اتلوم وقتك ولا تلاّم ياللي تلوم
الوقت سيفٍ علينا سلّته سلّها

لو يشبع البطن زاد وتشبع العين نوم
ما تشبع النفس والعليا تخيلّها

دنياك ياللي على الدنيا تشن الهجوم
دنياك مخلوقتن لك ومخلوقن لها

العالم أحد وأحد والوقت يوم ويوم
دنياً دنيّة تملّلنا وبنملّها

يا متعب الغربي البيدا تبيد العزوم
اللي يحمّل حمولته يتحملّها

ما ينّجم راس رجّالٍ يعرف النجوم
اللي يعرف النجوم اليمّة يدلّها

منادقن بالحكي ومنادقن بالخشوم
عاشت عليه أكثر العربان وافطن لها

هذا زمان الرخوم الله يعز القروم
اللي تزيّن لمزيونٍ تزيّن لها

مضيّعين المذاهب مخلفين السلوم
ريال عن دينها وريال عن دلّها

قدّامك تصير رَبع وخلفك تصير قوم
لا جمّل الله حال اللي يجاملّها

توفّر الكذب لكن الصحيح امعدوم
والكذب ما قوّم الساعة قبل حلّها

© 2024 - موقع الشعر