?اغتنم وقتك ودور لك خوي ✈️

لـ فهد المنصوري، ، في الغزل والوصف، 96، آخر تحديث

?اغتنم وقتك ودور لك خوي ✈️ - فهد المنصوري

طايره تقلع ✈️ رضا للعاشقين
‎صوتها يطرب وهي تدوي دوي
كم حسدت اللي عليها مسافرين
‎يوم مرت تطوي البيدا طوي
نقّضت في داخلي جرح السنين
‎جرحي اللي فالحنايا منزوي
ذكّرتني في ديار ٫ الطيبين
(‎دار ) من يظما عليها ما روي )
لو قليب اللي ركبها ما يلين
‎ما حجز فيها ولا دوّر خوي
يا (ملاذ اللي ) تواطاه الحنين
‎حبّكي مزروع في قلب ابدوي
 
صاحبي مالك على مثلي يمين
‎صاحبك مكوي من همومه كوي
خل خطك لا يسار ولا يمين
‎واركب اللي ✈️ دربها ما  يلتوي
ولا تجاوب كل من ينشدك وين ؟!
‎عن دروبك من بني عم وذوي
واخذ لك ( خمسة عشر ) فيها الين
‎كل مايل بامر ربك يستوي
ولا تعوّد وانت في ذمتك دين
‎من جفافك لازم انك ترتوي
صاحبي مالك على مثلي يمين
‎اغتنم وقتك ودوّر لك خوي
??
#فهد_المنصوري
© 2024 - موقع الشعر