يا خوي.. لك عندي.. وصاة مصيبة

يا خوي.. لك عندي.. وصاة مصيبة
ترى وصاتي تلمس العقل.. وتصيب

ترى وصاة أخوك.. ما به معيبة
لي صار أخوك.. مكمل العقل ومنيب

أخاف أموت.. ولا ذرى.. تتقي به
واخشى توازي.. للدروب الضنابيب

سمر الليالي.. ما تعلم بغيبه
ولا يعلم إلا.. صاحب العلم بالغيب

ودي تحرص.. عن بلا.. كل.. ويبة
ويصير بك.. عرف وكمال وتأديب

ولا المقدر صار.. ما ينحكي به
ولا ينمحي.. هذا من الله مكاتيب

افهم وصاتي.. كان قلبك صيبه
تطلعك . من كل الأمور الحراديب

1-	أول وصاتي بالفروض الوجيبة
صوم وصلاة.. وأد كل المواجيب

2-	وثاني وصاتي: للأمور الصعيبة
اصبر.. وبأمر الله تهون المصاعيب

جرح عبي له.. ما يكلف طبيبه – ولا شيء إلا.. ماضي له . تجاريب
3-	وثالث وصاتي: تلعة.. ينعدي به

تلقى عليها.. بينات المساريب
واللي عدا به.. ذيب من بطن ذيبة

ولا واحد . عدي بها.. غير هو ذيب
ترى هذاك العرف . من غير ريبة

راعيه لا يطلب.. ولا له مطاليب
4-	ورابع وصاتي: كثرة الهرج.. خيبة

هرج بلا معناه.. مسموح ويخيب
لي صار.. ما عندك علوم غريبة

وسط الرجال.. ترتب الهرج ترتيب
5-	وخامس وصاتي: خفة الرجل عيبة

من راكض الفرقان.. يركض له العيب
لي صار.. ما تنحر لزوم تجيبه

تنحر غرضك إن كان ما جاك.. وتجيب
6-	وسادس وصاتي: لك معزة وهيبة

عليك سفن البر.. حرش العراقيب
ولا يعجبك.. زيد الغنم والرويبة

ترغب لحوش الضان.. وتخلي النيب
راعي الغنم.. يشيب.. من قبل شيبه

والبل معزة.. تجلي الهم والشيب
إلى اشلهب الوقت.. لي هو حليبه

يوصلك.. لديار الهنا والتعاجيب
وسابع وصاتي: كان صابتك سيبة

وتقدر على كثر الثمن والمطاليب
بنت الحمولة.. والأصيل العربية

اللي قناهن.. ذاق لذة وترغيب
واللي قنا.. بنت الردي و الهليبة

أصبح بهم . وجنب الريح تجنيب
والعوز.. يرث لك.. مذلة وخيبة اردى الرجال اللي يسمونه.. السيب

عليك بالسقمة.. ولو هي تعيبة
ما دام بك حيل.. تنط المراقيب

ترى كثير المال.. كل حبيبه
ينقال له: "فت جاي" لو ما فعل طيب

وإلا قليل المال.. شن روي به
لو كان طيب.. يكثرن به شواذيب

8- وثامن وصاتي: علمها.. ينحري به
ترى الدروب الفاسدة فعلها ريب

درب الدنس.. والعايزة.. والقريبة
ترى هذيلن.. من كبار العذاريب

ثنتين.. من داخلي عليهن.. حكى به
مداخي على وجهه.. تعيبه معاييب

مداخلي على عرضه.. مثل شق جيبه
علم يبين.. من أذان الأعاريب

9- وتاسع وصاتي: عن مناقر شريبه
لي صار.. ما هو من وساع المشاريب

خله.. ويلقي بالموارد لعيبه
عند الظوامي.. يكثرون اللواعيب

ومن دور العيلات.. غربل نصيبه
احسب حسابه.. من حساب المذاهيب

ومن جذب الشيطان.. حقه غدي به
ومن هاب طبات الملاعيب.. ماهيب

عن واحد يبلاك.. أو تبتلي به
ينهج حديكم.. يم دار الأجانيب

10- وعاشر وصاتي: كان حلت مصيبة
وبلاك ربك.. وابتلوك المغاضيب

احذر تمضي.. ما تسمي غليبة
امض.. وتبين عن لحاق المشاعيب

وازين على حصن الرجال الصليبة
اللي يحلون العقود المناشيب

اللي زينهم.. ما يجي له طليبة
عده.. بعيطا.. عن سموم اللواهيب

ومن غيرها.. عندي وصايا عجيبة
لي فكر الفاهم.. يصيب المتاريب

عندي وصايا.. للعقول اللبيبة
للي يضمه.. بالضلوع المحاديب

والكل منهن.. يوم تفطن.. صعيبة
والكل منهن.. يحلقنك مشاعيب

الضيف ضيف الله.. وصى به حبيبه
استقبل الضيف بتهلي وترحيب

قلط له الميسور.. وما هان جيبه
واحلف على الماجود . دين المعازيب

وخويك اللي بالخلا.. تبتلي به
خيال.. إلا فوق عود المصاليب

أو راجل.. حفيان.. ما له نجيبة
أو عورة.. يبلي بها عالم الغيب

اصبر، وراعي الصبر.. محمود طيبه
عند الذي يبي الفخر والمراتيب

وقصيرك اللي مما يصيبك.. يصيبه
وصى به الله.. لا تحسف به الطيب

حقه عليك.. تزود القدر . هيبة
ليما يروح.. بزود حشمة وتوجيب

وراعي القدى.. حق الردى.. ما يصيب
ومن لا عرض جنبه على الطعن ما صيب

الشيوخ والحكام.. زمل منيبة
بهم عمار.. وقضي لازم،.. وتخريب

ما ينومن.. من شان منهم حليبه
عقب الصداقة.. ينقلب كنه الشيب

أهل خفايا.. غيبهم.. ما دري به
يتحدرجون.. بدون عذر وتذنيب

عشرائهم أهل العلوم العجيبة
وصدقائهم.. مروين حد المغاليب

وإن كان.. ما حدا الثلاثة.. تجيبه
مالك بهم.. والدرب شرق وتغريب

خويهم . ما يشتهي.. نفض جيبه
حكاي وجهين.. يقص العراقيب

هذي يوديها.. وهذي يجيبه
وهذي يسويها.. بصدق وتكذيب

واللي حكى.. بين الصحيب وصحيبه
مخرب.. ويخرب بين ناس أصاحيب

وسوالفه.. دايم نميمة.. وغيبة
ولا يستحي "كوبان" من كلمة العيب

راعي النقيلي.. لا توارد قليبه
خل الردى، ما فاد قربه، ولا يثيب

هذاك.. لا تنزل.. جوانب شعيبه
بالك تحطه.. يا بوزعزوع بالجيب