شاعر ولاني من اللي إن حكوّ مايفعلون - ناصر القريشي

الله الله الله الله عالم ٍ ماتعلمون
وحده ولاغيره اللي هوّن الكايد وهان

كائن ٍ لا ماتكوّن لمْره الكائن يكون
بسمه أبدى وتبدا من قبل لاارخي العنان

لاابرق ٍ ثم ارعد ٍ ثم وبل ٍ كل المزون
عارف ٍ درب الطلوع وعارف ٍ درب الطمان

شاعر ولاني من اللي إن حكوّ مايفعلون
العشر من كف كفي حالها حال الثمان

ياعسى من شاف له شي ٍ تكسر مايهون
(خيّل الشرفا عسيلي)شاهد الشاهد عيّان

ارقص ارقص ياقصيدي رقص اللي يرقصون
في زمان ٍ مايعيشه كود رجل ٍ بهلوان

لوّ تنادي الشبْت الضوّء يسمعون ويسفهون
غيّر الدعوا وناظر كيف يملون المكان

فالرخامه شوف عيني ربعها يتفاخرون
وفالمراجل لا ولاواحد تفوّق بمتحان

لايْ فئه والا فصيله لايْ بقعا ينتمون
ياجميّان الرخامه مايفارقها ريحان

عزتي لاهل الرخامه عمرهم مايفلحون
يعقل الرجال يفتك لاحتمى برجل ٍ جبان

وبك ناس ٍ في عصور ٍ قد مض ٍ ماينطقون
ماش دين ٍ ماش دنيّا يافلان ابن الفلان

الله لايبلانا باللي في بلاهم يبتلون
اكفنا شر البلاوّي ياإلاهي المستعان

لاصلاة ٍ لازكاة ٍ لاولاهم يحزنون
وكل زمان ٍ اعبر من اللي مضى بذاك الزمان

من سبايبهم تفتق بالسما ثقب الازون
ياحبش لايابرابر ياعرب ياتركمان

بأيْ دين ٍ بأيْ ديانه بأيْ رب ٍ تؤمنون
والعرب اصل العرب تستنكر اصوّات الاذان

العرب طبع العرب من وين ماتمشي يجون
دامها تمشي كذا مشها وماكان كان

شفت لي ناس ٍ ألا ياعلهم مايربحون
المره يردفها رجال ٍ معه بالطرطعان

يهبون ثم يهبون ثم يهبون ثم يهبون
ويهبا كل من تشبه بالشبه للامريكان

رابخين ٍ ثاوّيين ٍ هاربين ٍٍ حرْذون
وماتخفيه الليالي بتظهر الشمس ويبان

شفت ليّ ناس ٍ ولاادري لايْ ناس يصنفون
ناس ولاهم ناس وفيهم الرجل اسمه!حنان

زول وخشه ماتشاهد الخشم فوق العيون
خشة ٍ ماكنها إلا بوشنب صنع اليابان

في زمن فيه الاوادم بالاوادم يدرسون
من أوّذيْن ٍ لا أوّذيْن ٍ لا الاورطي لا الكفان

قلتها قول الحقيقه قلتها ياغافلون
ماسلم كل من يراجع ياعرب مشفى العدان

عام ٍ اقفى عقب عام وعقب عام ٍ يفطنون
والعفن مافيه شكه هاوي ٍ درب العفان

كم مضى وقفى من الايام وانتم تنفخون
وكل منكم في يدينه يشعل بحاله نيران

مؤمنين ٍ بالذكر وإلا انتم منتم مسلمون
لاتعرفون الصلاة ولا ولافيكم ايمان

للشياطين انتم انتم انتم انتم تفرحون
وكل منكم قام يرقص له ويغني ليلى دان

كل منكم للرذيله مقلع ٍ يالمقلعون
وكل ماخط في جبينك له زمان وله اوان

الحياه هذي الحياه وحاذروا تتفلسفون
كل منا له مقدر انس ٍ كنا ولا جان

يوم كل ٍ قام ينزل مايشيلنه المتون
ايه كل ٍ قام يرجي .ياملحسة الريضان

مايسرك ملك ولاينفع بنين ولابنون
اشعل النيران للخسران وللرابح جنان

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • بعض صور الشعراء و الشاعرات غير صحيحة، نرجو تبليغنا إن واجهت هذى المشكلة
  • إدارة موقع الشعر لا تتابع التعليقات المنشورة او تقوم بالرد عليها إلاّ نادراً.
  • للتواصل مع ادارة موقع الشعر إضغط هنا.
© 2021 - موقع الشعر