ماكل من يضحـك سعيـدٍ ومرتـاح - شافي المخاريم

ماكل من يضحك سعيدٍ ومرتاح
شطرٍ لابو سلطان هيّض شجوني

لوّ امتلا يومي مسرّات وافراح
اكيد بضحك بس ضحكة سنوني

وش لون بضحك من خفوقي يا(بدّاح)
وانا همومي كل يومٍ في دوني

اجامل العالم بعزمٍ مع الحاح
واخفي دموعي لجل ما يكشفوني

والدمع يا بدّاح لا هل..فضّاح
والناس في ذا الوقت ما يرحموني

صدوف الزمن ياما روتني من اتراح
صابر على حملٍ يصدّع متوني

ولولا صدوف الوقت ما قلتنا آآآآح
يهون وقت ابلا صدوفٍ يهوني

مثل البحر لامن ركد ..كل سبّاح
سهلٍ عليهم طبّته لو يبوني

مير البلا موجه الى هاج واجتاح
شيٍ طبيعي كلهم يغرقوني

لاعاد تنشدني عن الحال يا صاح
خل الامر يمشي على ما يكوني

© 2024 - موقع الشعر