يا محمد يوم اشوفك تعتلي المشرافي

خلّي اللي لا وعدني بالتلاقي وافي
دون شوفه ياعرب ما ردّني ردّادي

هي ملاكٍ والحياةْ بدونها تنعافي
و الغلا فالقلب مع طول الزّمن يزدادي

خشمٍ صغيّر وخدٍ ناعمٍ و اطرافي
و العيون وساع تسلب من نظرها عمادي

وصفها ياصاحبي لو بكتبه في قافي
ما حصي أعداد الوصوف ولا لها عدّادي

يا محمد يوم اشوفك تعتلى المشرافي
قلت اكيد ان صاحبك في غيبته متمادي

ما جداك الّا تغنّي تطرق المحرافي
والغنا يا صاحبي ما هوّن اللي كادي

و الحقيقة من يلوم العاشق الميلافي
أشهد انّه لو تمادى بالملامة غادي