إنشدوني يا شافي ليه عادك تحبّه

إنشدوني !!((يا شافي ليه عادك تحبّه
بعد ماتلّ قلبك واصبح اليوم باير))!

دام صاحبْك مقفي يالقويسي فكبّه
والعوض فيه عند الله عليم السراير

قلت ذكراه في وسط الحشا مستتبّه
لو نسيته حرام اني لسوق البشاير

المحبه عذاب القلب ياهْل المحبّه
من مشى درْبها لابدّ يلْقى عزاير

والهوى لا صفق قلب الهواوي نشبّه
يُعتبر ف.الخفوق امسيسن.لّه عماير

صاحبٍ تلّ قلبي ثم خذاه وّلعبّه
وجا يقول اعتبر ماكنّ به شيّ صاير

جا يطرّي فراقه والغلا ما حسبّه
من سواته عيوني يزْعجنّ العباير

ليت قلبي عظم لوّن خلّي يجبّه
كان بلقى لجبْ القلب طب وجباير

مير جرحٍ بقلبي يعجز الطّب طبّه
عقب فرقى حبيبِ فيه ماطيع شاير

ذاك حبّه بصندوق الضماير مَرَبّه
وأن نسيته حرام انّي لسوق البشاير