كل قلب له مراده

آتحرّى للذهيبه من ثلاث شهوري
واتنبّى من خبر واحسب زمان المدّه

والخبر لا من وصل جعله ما ينهي دوري
والفرص لامن تهيّت ما تفيد الصدّه

الطموح اكبر.. كذلك ماني ابمعذوري
ويش ذنب اللي دموعه تنطبع في خدّه

قد عطيته وعد ثابت ضاربٍ له زوري
والكلام اللي هرجته محتميه وقدّه

خلي اللي فيه والله ما تسمّع شوري
حيثه اللي حبل وصله باليمن أشدّه

حبّه اللي بانيٍ وسط الفواد قصوري
كل قصر مع مرور الوقت يبطي هدّه

لاسمعت اسمه أفز بلا عقل وشعوري
فزة اللي جات خيل عداه صوبه كدّه

كامل الأوصاف كنّه من بنات الحوري
في جميع البيض ظنّي ما نحصّل ندّه

كل قلبٍ له مراده ..ما يجي مجبوري
والمصيبة لا تنحّا القلب عن من ودّه