رفيقي ان كان عادك من ورا الرفقـه - خالد المركوز

رفيقي ان كان عادك من ورا الرفقه
فانا رفيقك وعدني عند ميقافي

رفيقك الوافي اللي فطرته تفقه
للكلمه الطيّبه في رفقة الوافي

لو صار ماصار كلّ جنيه له نفقه
في وسط سوقٍ غلاه اشكال واصنافي

في شوفك عيوني الثنتين مّتفقه
على مقامٍ كبير ومشلحٍ ضافي

كانك تبي رفقتي فالباب له صفقه
ماردّها من بغا يوفي ويستافي

وان كان منت بتبيها جعلها وفقه
بلقا سنافي وتلقا غيري سنافي

مانيب شفقٍ وحالي ماهي بشفقه
على المقفّين مثل إشفاقة اللافي

لكن قبل تِرفع الكفّين للصفقه
ترا العرب تعرف البيّن من الخافي

جيتك بها والعباد عقول مندفقه
والله يعينك على الشقّاق والرافي

انت إتحسبني لها وانا علي رفقه
مقدارها ماضرب توّي ولا خلافي

© 2024 - موقع الشعر