ياراكب اللي قيضت من ورا ساق - دعسان بن حطاب

ياراكب اللي قيضت من ورا ساق
ومرباعها الصمان يوم استزافي

تشدي لربدن دارها الصبح دراق
تنهض بجنحانن به الريش صافي

اركب عليها واول الصبح مانساق
والعصر عند بداح والا ابو شافي

ابشر بصينيتن بها كل الارناق
وتلقى خروفن في كبير الصحافي

انكان تذكر فعلكم فأنت صداق
دايم تنوسون العدو يا بو شافي

وحنا الى سرنا من الغبن حراق
تشبع بساقتنا رجالن ضعافي

وحنا نجيكم والمضاهير مراق
صباح يوم اهل الدبش بالرفافي

وحنا ليا قالوا على الصلب براق
تفرحبنا جرد العشير الصخافي

وخباري الصمان ماحد لها ذاق
حامينها يوم انتحيتم مقافي

ونكانكم درعن حنا له ادناق
ضمن دريكن مايجيه اختلافي

وحنا كما سيل تحدر الى انحاق
ولاينطح سيل البحر بالكفافي

شين لقح بالقلب ماعاد ينطاق
يابداح عيا القيل يلقى ملافي

ونكان قولك صدق منته بدراق
فاقبل علينا مرحبا يسنافي

مايكسبون العز ربع التفراق
اي القوي واي الهزيل الضعافي

© 2022 - موقع الشعر