ياراكب من عندنا فوق ضبيان - دعسان بن حطاب

ياراكب من عندنا فوق ضبيان
مفتل الذرعان حر شناحي

كانه يباري له مع الجو شيطان
مايمسك لولا الرسن باللواحي

اسلم وسلم لي على الشيخ راكان
مبدل الصلب الحمر بالأ لاحي

ثم انشده وش صار علمه ويش كان
هو ليه عن دار نزل فيه راحي

يامير جيتوا في ضعاين وسلفان
وجيتوا بالمره معك يا بو فلاحي

وحنا فريقين على بيت سلطان
لاخذت مال ولاسهجت المراحي

والصلب لا ياكلك مثل ابن درجان
ويبقى فلاح وحيد ماله مشاحي

واخذ القضا نمرى على وقت الأذان
مملية بأهل الغلب والرماحي

لاجالها مع خاطي القاع دندان
ثم اختلط عج الرمك والصياحي

يلقى العشا في دربها الذيب سرحان
وجا لضباع العرج صدر ورواحي

عساك تسلم يا سلايل كحيلان
وينجيك ربك يوم كثر الطياحي

ولاتستوي للموت ياطير حوران
مار ان بعض القيل ماله صحاحي

تشره على دار ولاها ابن وطبان
بخضر النمش ومذلقات الرماحي؟

ياما بغاها من قبايل وعربان
وعلوى على جرد السبايا تناحي

محد عطانا عطية وصفطان
الا بغاراتن هجاد وصباحي

عنها نحو بسيف غازي وطمعان
لين ابعدوا عنها وساع المناحي

عندك خبر يا امير ماني بغلطان
وترى الكلام الظلم سم ذحاحي

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • التعليقات المنشورة غير متابعة من قبل الإدارة. للتواصل معنا اضغط هنا.
© 2021 - موقع الشعر