ياغجرية

لـ وليد رأفت محمد، ، بواسطة سماهر، في غير مُحدد

ياغجرية - وليد رأفت محمد

من ضمن أحبابك
 
مغرم على بابك
 
معرفش ايه صابك
 
قدام عيونى ليه بلقى الحوارى سد ؟؟
 
قافلة البيبان
 
ومسنكرة الشبابيك
 
وانا الولهان .. مشتاق فى مرة
 
اترمى جوه فى عنيك واحضن ايديك
 
معرفش ليه ؟!
 
قدام عيونى مبنى السد
 
كل الحوارى سد
 
للناس الغرب
 
فاتحة البيبان دى ع الاخر
 
ويتسحب ويتاخر عليكى شيطان
 
بيركب فوق أه فوق أرضك
 
ياشوق عرضك مالوش اخر
 
ياغجرية
 
يابت ياسمرة ياغبية
 
مروا عليكى سنين
 
مروا عليكى طابور
 
واحد ورا واحد
 
الكل متاحد
 
بكره هيجى الدور
 
ياغجرية
 
حملك سفاح من فين ؟
 
عرضك خادوه الغرب
 
بعتيه بكام ؟!
 
قولى
 
ولا خادوه بالغصب ؟!
 
ياااااااااه
 
شايفك انا مومس
 
حية فى حالة شياع
 
بقرة فى حالة شبق
 
آه آه آه
 
برنيطة الخواجة
 
عندك فى أوضة النوم
 
وع الشماعة مركونة هدوم البيه
 
بقولك ايه
 
كفاية كلام .

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • التعليقات المنشورة غير متابعة من قبل الإدارة. للتواصل معنا اضغط هنا.
© 2021 - موقع الشعر