عالم طيط

لـ وليد رأفت محمد، ، بواسطة سماهر، في غير مُحدد

عالم طيط - وليد رأفت محمد

كل حتة فى السما متقسمة شارع وحارة
 
والجو رايق إنما شابه العكارة
 
زمن الخيانة والكهانة ياميت خسار
 
ج
 
سكن السما
 
كان حلم لسه بيحبى جوه القلب الاخضر
 
فارس وشايف للأمل مليون طريق
 
رافع رايات المحتمل
 
للفرح فاتح ميت ممر
 
وأنا قلبى حر
 
زى الطيور مابيعترفش بأى سور
 
والأرض بور
 
وعينيا طاله مغرمة
 
فكه حدود الطلسمه
 
فوق فى السما
 
أتمنى أكون نقطة مطر
 
ارقص وأدندن على الوتر
 
أخر خبر
 
زمن البراءة والطفولة هتبتدى
 
الريح هدى
 
الموج هدى
 
والصمت خيم والسكون
 
عايم على شط الجنون
 
عالم ف نون
 
● ○ ●
 
عالم ف نون
 
والشمعه جنب الضلمة كون
 
وآدى الشيطان
 
واقف على حزام القانون
 
الكلمة هون
 
والكف جوه الكف عون
 
ياكون ياكون
 
الرمز جوه فى العيون أنا وأنت إيه
 
أنا وانت نون
 
● ○ ●
 
الحلق مرر م السكوت
 
عالم تابوت / رياحه موت
 
فارد خيوط العنكبوت
 
حتى الأمل فينا انقتل
 
والدم سارح ع البيوت
 
ريحة العفن / بره الكفن
 
جوه البدن كهنوت
 
عالم غابة
 
وسيناريو حكاية كدابة
 
كل الأيات متبهدله ودى الحقيقة الكاملة
 
الضحكة صبحت مشكلة
 
والقضاة هما الديابة
 
● ○ ●
 
عالم مساخيط
 
شخابيط لخابيط جرى وتنيطيط
 
فى الليل على الحيط واقفة الوطاويط
 
والبوم بينعق فى الضلام
 
اخر كلام .. جن وعفاريت
 
ومين يغيت
 
ما احنا الدمى وفبنا عقيدة دون كيشوت
 
فينا الامل مربوط بخيط
 
ما احنا اللى فبنا كل شىء طيب عبيط
 
والحكمة اخر الزمر طيط
 
● ○ ●
 
عالم بلياتشو
 
بيلعب ماتشو من زمان
 
م الحياة مسرح وسيرك
 
والشاطر فيها بهلون
 
نص الوش بلةن الغش
 
متخفى ورا الف ستار
 
بيتكلم ياسلام ياسلام
 
واللعبة يقلبها هزار
 
والطيب واقع م العش
 
مالوش معنى
 
مالوش مبنا
 
مالوش عنوان
 
اصله غبيط
 
واهبل
 
وجبان
 
والبلياتشو دواد فنان
 
● ○ ●
 
عالم فالصو
 
سوسو وتوتو واللبانة فى حلقنا
 
والسلسلة ع الصدر حاكية سرنا
 
ماحناش هنا
 
أصل الحياة صبحت لنا
 
رقصة وغنوة مجلجلة
 
وكاس وبنت مذهلة
 
يا ابو الغناوى الممكنة
 
هز المشاعر هزان
 
خلينا نعشق عزنا
 
ماهو كلنا
 
ماحناش هنا
 
● ○ ●
 
عالم كراكيب
 
وحجاجات قديمة مهلهلة شغل البكيا
 
قيم بكيا
 
أدب بكيا
 
على شعارة الروبابكيا
 
● ○ ●
 
ادى العوالم كلها
 
ع الارض فاردة ضيها
 
الارض ساكتة متكتكة م البرد والخوف والالام
 
ساكنة سكون المسكنة
 
وانا من هنا
 
باعلنها كلمة على الملأ
 
كان نفسى أسكن فى السما
 
ارض البراءة والبكارة
 
بره العوالم كلها
 
ياميت ندامة
 
لقيتها أرض فى مهدها
 
متقسمة زى العوالم كلها
 
ياميت خسارة .

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • التعليقات المنشورة غير متابعة من قبل الإدارة. للتواصل معنا اضغط هنا.
© 2021 - موقع الشعر