النهاية

الوقت يمضي والزمان يدور والعمْر يهلك
والصغير يقول بكبر .. والكبير يقول آآآه

لا فطن للعمْر يصرخ يا زماني ما أعجلك
ليت عمري في يدي وأسترجع ايام الصباه

لا تحسب ليا قضى عمْرك يعوّد .. ل أولك
ما فات فات ومستحيل أنه يعاود مبتداه

أما تحمل صاحبك وإلا صحيبك يحملك
ف النهاية مالك إلا القبْر وأتلحف .. ثراه

كل شيٍ تتركه فوق الثرى غير أعملك
وش تسوي في كتابٍ شافه الله وقراه

يابن آدم ما اكبر غرورك غرورك يقتلك
تاخذ ايامك جهل والربْ ما تكسب رضاه

تجهل الموت القريب وكنْ موتك .. يجهلك
ماجهلك الموت مير الله يمْهل .. للعصاه

كل شيٍ ينتهي حتى مجرات .. الفلك
مايدوم إلا العزيز الواحد الاحد الأله

يا إلهي ياعزيز العرش ماغيرك ملك
وش يكون العبد لامن الملك صد ونساه

لك عبيدٍ ف البسيطه ترتجيك وتسألك
لايذين برحمتك من سوء مانجهل خفاه