عناقيد الوفا

ماغفت عيني ولا سقت الوصل بعناد
دام روحك في عناقيد الوفا زهره

لا ولا بعت الأماني والهوى وقّاد
وين ماشمسك ضوت جيتك على الفطره

شاعر ٍ ينصب شروقك للفرح ميلاد
لا تناثر ورد ليلك وانتشى عطره

شاعر ٍ ملّت مشاويره شقا وأبعاد
لين تاهت كل دروب الوقت بك عثره

شاعر ٍ غنّت حروفه للحنين أنشاد
لاتلاشى نبض قلبك واحترق صبره

شاعر ٍ فاضت عيونه من جفاك أسهاد
يوم كلٍ بالليالي مدّ لك جسره

شاعر ٍ يكتب شموخك للوفا ميعاد
لاتراقص غصن شوقك وأنثنى خصره

شاعر ٍ أشعل حياته من ضياك أعياد
لجل طيفك يكتحل من واهج النظره

شاعر ٍ أمسى خفوقه للجروح أبلاد
كل مادق هاجسك في خاطري نجره

جيت أضمك والعشق رحلة عنا وجهاد
يوم قلبك فلّ شوقه وانتثر سحره

سامح الله كل جرحٍ من جفاك أزداد
سامح الله غيرتك والحب والعشره

shawqi_alaamri@hotmail.com