يوم الوفا لاهل الوفا

يامرحبا باللي لفانا وجانا
ا لدار زانت والسعاده لحايف

دار المحبه لمنا واكتسانا
عطر الوفا اللي بيننا له ولايف

ضيف لفانا نورت به سمانا
لم القلوب المرهفات العفايف

يوم الوفا لاهل الوفا واحتوانا
شيخ على روس الطويلات نايف

حنا زرعنا في بلدنا غلانا
وحنا السيوف المذهبات الرهايف

حنا حملناهمنا في حشانا
والعين عميت من دموع (ن) ذرايف

حنا بنينا مجدنا من عنانا
حنا روينا من كبود(ن)عجايف

بنت الوطن لك يا وطنا رجانا
نلقى وفا جزل(ن) وعطفك خلايف

اليوم دورك يالوطن في وفانا
بامجاد تاريخ الوفا فالصحايف

تجزل لنا بعد النصب في عطانا
تغيث من فينا من الجوع خايف

نبي الوعد غيث(ن) ويروي ظمانا
يمطر على قلوب(ن )ويضحك شفايف

قلب(ن) سكنته ما يخاف او غشانا
هم (ن) و ابو متعب سهير وشايف