نداء لاهل الخير( مبادرة علاج تركي)

لـ عبدالله مسلم السلمي، ، في غير مُحدد، آخر تحديث

نداء لاهل الخير( مبادرة علاج تركي) - عبدالله مسلم السلمي

أسمعوا تركي ينادي وحنا له نجيب
في علاجه نجتمع وأنقلوا عنا الخبر

لاجل تركي نجتمع صف واحد ما نغيب
ربعي السلمان والحظ ماهو منثبر

الامل موجود وسليم اهل مدة وطيب
كل جرحاً له دوا كل كسراً ينجبر

ياهل الخير افزعوا من بعيد ومن قريب
من شمال وغرب والي من اطراف الخبر

العمل خيري وكلاً يجيب الي يجيب
مايفيد المال لا صرت في وسط القبر

تركي أعماه المرض والمرض هذا غريب
شل جسمه ماتبقي من اطرافه شبر

مانفع فيه الجباير ولا كشف الطبيب
جربو كل العلاجات وانواع الابر

والعلاج بوقفة أهل الوفا ما هو صعيب
والده صابر عسى الله يعين الي صبر

حولوه لخارج المملكة جعله يطيب
بين طب اهل الجراحة وطب المختبر

الله الشافي وضني بربي ما يخيب
الله الي يجلي الهم لا منه كبر

انتهى ترتيب الابيات والحر اللبيب
كل ما زادت هموم الليالي يعتبر

شالها بن عبد ربه وانا في الشعر ذيب
اقنص افكار القصيدة مثل قنص الوبر

وفي ختام القول صلو على وجه الحبيب
عد ما خطو على بيض الاوراق الحبر

شعر
عبدالله مسلم السلمي

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • التعليقات المنشورة غير متابعة من قبل الإدارة. للتواصل معنا اضغط هنا.
© 2021 - موقع الشعر