كريم الطبع

كريم الطبع
كريم الطّبع منْ يوفي وعوده

ولا يشقيْك منْ كثرة صدوده
يجيك ويستمع لهموم قلْبك

ويقطف من بساتينك وروده
يشيل الحمل والأثقال عنّك

ويجبر خاطرك بحلى ردوده
يزورك كلّ ما رحت ونسيته

ويعلن لك الى الأخر صموده
ينسّيك القهر ويذود عنّك

ويحشد لكبر أعْدائك حشوده
يدافع عن حقوقك قبْل حقّه

ويبذل كل مساعيه وْجهوده
يحطّك في وسطْ عينه وقلبه

ويسقيك الكرم من كاْس جوْده
يقول الصَّدق لوّ أنّك سألته

ولا يبعد ويخرج عن حدوده
يعزك مثل أخْوانه وأكثر

ويثبت لك من أفْعاله وجوده
يخبي عن جميع الناس سرّك

ويفضي لك من الطّيبه سدوده
يقدّم لك من أفْكاره نصيحه

ويعكس ماتعلّم من جدوده
هذاك اللي يسرّ البال ذكْره

ويحفظ من كرم أصله عهوده