عرش الطهر

عرش الطهر
غمّض اعيونك ولا كنك تشوف

أش عليك ان نام غيرك او سهر
دام مامرت على عمرك ظروف

لا ولا ضيّق فضا صدرك قهر
كلّ همك تجمع ألاف الألوف

مايهمك من دفع عمره مهر
ودّك اموالك تغطي هاالرفوف

مايكفّي مطلبكْ خير الدهر
تايهٍ فكرك وبطماعك شغوف

أنْعمت عينك وقلبك أنصهر
الغدرْ طبعك وطعناتك سيوف

ماتقدّر من زرع ارضك زهر
ياحسافه يوْم شلْتك بالكفوف

مادريت أن الجشع فيك ازدهر
كلّ يوم وْيوْم لك عدة صنوف

ليْن كلٍ من طبايعْك انبهر
طاْح قدرك والقمر صابه خسوف

من بعد ظلمك وطعنات الظهر
أترك أوهامك وكذبك والحلوف

أنكشف زيفك وكل شيٍ ظهر
كنت اضنك بالكرم مالك وصوف

لين بيّن لي خداعك من شهر
ياكبرْ قهري ويا كل الحسوف

يوْم توّجتك على عرش الطهر