غريب، جالس وحيد بشرفة الاغتراب
يجذبني ذاك الهدوء الصاخب الراااقي

في ليلةٍ .. ما معاي الا همومي زهاب
ذرفت كل الجفااا ،، من مقلة احداقي

اراجع اللي مضى من ذكريات وعتاب
شعوري اللي اختلف ! وامسبب ارهاقي

واحس بأن العمر توه و قدني شباب
مع كل شمسٍ تغيب وتدخل اعماقي

اشوف كن السما يسدل فضاها السحاب
واقول : يسقي مطرها .. عذق خفاقي

وحيد ليل وشتااا و هموم بعد وغياب
تتعبني الغربه اللي تفضح اشواقي

اعيش وقتي سهر مابين صفحة كتاب
في طيته قمت ادوور عمري الباااقي!!

ثنيت كل الورق (حنين، شوق ، وعذاب)
يالييين طاح القصيد وذبلت اوراقي


تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • بعض صور الشعراء و الشاعرات غير صحيحة، نرجو تبليغنا إن واجهت هذى المشكلة
  • إدارة موقع الشعر لا تتابع التعليقات المنشورة او تقوم بالرد عليها إلى نادراً.
  • لتواصل مع ادارة موقع الشعر إضغط هنا.
© 2020 - موقع الشعر