اسافر - عبدالرحمن الحمادي

واطير بسربك النايح .. حمام الدوح
بناظر من سماك شلون تصغيري؟

اسافر واترك اوجاعي معك وآروح
يعل الوقت يخلف وجهتي وسيري

تعاتبني وتشره ،، قلت لك: مسموح
تعبت اشرح معاذيري وتفكيري

اغص بكلمة(ن) ادري تجي وتشوح
وآخاف آآقولها ويقل .. تقديري

ولا اكسر قلبك وتنهل منْك جروح
وتدمع عينك .. و يحتار تبريري

‎اذا ضاع الكلام ان جيت لك بابوح
بسوق العذر وانت اقبل معاذيري

‎معي ذكرى قديمه مانستها الروح
‎ولا ودي اورثها لأحد غيري

‎انا اخترت البعاد و قلت لك باروح
‎حرام اظلمْك مع هجري وتقصيري

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • التعليقات المنشورة غير متابعة من قبل الإدارة. للتواصل معنا اضغط هنا.
© 2022 - موقع الشعر