الصورة - عبدالرحمن الحمادي

يلامس هالقصيد الواقع المستور!!
وسجل من جفاك الجاير اسطوره

حزن واخفي الحزن كله مابين سطور
واشوف ان الحزن يكبر بجمهوره

يحبون الشعر لكن.. بدون بحور
قصيدة واضحه .. ماهيب مستوره

يصفق لي (الحنين )(الشوق) والجمهور
ويبكيني جفاك ،، اللي على سوره

وقفت بقلب لك فاض بوله وشعور
تجاهلت الغرام ولحظة حضوره؟؟

رحلت بعين كل الناس ، مو معذور !
معني شفت كل الناس معذوره !

حبيبي وانته الاظلم.. ترى (مشكور)
وطعناتك .. وهم ذكراك مشكوره

واذا اتذكرت ماضينا ولاح النور
انا قد لي .. ثلاث سنين و (الصوره)

اقلبها بمحفظتي واقول: تدور ..
بك الايام والحوبه لها دوره.

توقف عندك بيوم ٍ يجيك الدور
وربي مانسى المظلوم و شعوره.

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • التعليقات المنشورة غير متابعة من قبل الإدارة. للتواصل معنا اضغط هنا.
© 2022 - موقع الشعر