المقام السامي - عبدالرحمن الحمادي

مرحبا بالهاجس اللي له ثلاث اعوامي
استفزه بالقريحة ، غير مدري وينه

كل ماجيته وجايب فكرتي والهامي
يشرد بفكري معاه ولا قدرت آعينه

قال : ماعندك سلاح؟ وقلت: ذي اقلامي
ترسم شعوري قصيد بلحظته وبحينه

قال : بس اسلم وانا معلن لك استسلامي
يوم بدع القاف دايم بالجزل موفينه

وانرسم لجل الوطن اغلى وجُل هيامي
صورةٍ تبهر خيال اللي يشوف بعينه

ذي (قطر) ياللي تناظر مجدها المترامي
الله اللي عزها وابدع بها تكوينه

ذي(قطر) لا جيت اعدد تستشك ارقامي
غيرت شكل التطور،، واللي مسوينه

ذي (قطر) عون الضعيف و مدهلٍ للضامي
مايخيب الا نصاها بالظروف الشينه

دام قايدها (تميم) الصارم المقدامي
قصة الامجاد تُروى .. بينها وما بينه

الحكيم النادر/الحر / (المقام السامي)
ياعسى ربي يمد بعمره وبسنينه

انتهض فيها وقال : الخير من قدامي
وارتفع عند السحاب بمتنه ويدينه

قال: ذي داري وذا شعبي ورَف اعلامي
فوق هامات الثريا ،، لا نشدتوا وينه

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • التعليقات المنشورة غير متابعة من قبل الإدارة. للتواصل معنا اضغط هنا.
© 2022 - موقع الشعر