بديت بسم الله الخالق رفيع المقام

بديت بسم الله الخالق رفيع المقام
اللي عليه البشر تتكل مايتكلها

من بعدها ياهجوسي عجلي والهمام
عندي امهمه وانا خابرك قدن لها

نبى نعبر عن الواقع بكل اهتمام
نترك ادقاق الامور ونعتلي جلها

يانعم ياعزوتن تثبت نهار الزحام
في ساعة لو يكل الرجل ماكلها

في ساعتن لعتزينا نعتزي بالعمام
وخوالنا والجدود الاوله كلها

الآد مرزوق من روس البقوم الجسام
اللابه اللي تكملني وأكمل لها

افخر بربعي ومن يفخر بهم مايلام
أفعال ربعه سيوفن في يده سلها

والآد مرزوق تبرز بين قوم وخصام
والنعم غصبن على العدوان نحتلها

يشهد لنا ماضي التاريخ شرقن وشام
واليوم في ظل حكامن ضفى ظلها

زالت جميع الفتن والامن للناس دام
وصار التنافس على الطالات طبعن لها

والحمد لله على الطالات معنا وسام
نسبق ولا أحدن سبقنا حين نقبل لها

وعلى المعزه تكاتفنا بعز ونظام
وجمع القبيله وجمع الراي عزن لها

يوم المزاين يازين الاسم واللالتمام
للعزوه اللي تذل الصعب ماذلها

والفوزفي طاعة الله والصله والسلام
وتنافس المرجله نتعب وناصل لها

صعب المراجل مايحصل بالرسن والخطام
توفيق والمجتهد ينقض ويفتل لها

سوات سلطان ابن دايخ مع الحض قام
والله امعينن يعين الخلق ويدلها

يانعم مليون مره ياصليب العظام
ياللي نقيت العفر واصبحت راعن لها

من قال انا خيل البل مارضى الانهزام
مايحتمي عزوة البل غير كفون لها

عساك حين لها طول الدهر ماتظام
وتفوز في كل محفل دايم ارضن لها

شوف المغاتير يوم العرض يجلى الظلام
نورن شرق والعيون النور نور لها

مرت سوات المزون اللي مافيها غمام
أمزون مثل البرد والشمس ثوبن لها

ويوم ادبرت مثل نور الشمس بعد الجهام
يكشف سناها جميع الارض لا حلها

مأحسن جملها تقول البدر ليل التمام
تمشي حسب رغبته تقول يرطن لها

تقول حاكم ما أحد عليه يثني الكلام
يعطي الأوامر وتنفذ حين يصدر لها

زفرة هديره رعودن في رعدها أصتدام
والا قذايف يلج الضلع صوتن لها

الكامل الله وهي من خفها للسنام
امكمله بالوصوف اللا يقه كلها

حازت على المركز الاول بدون التحام
لعلها اتفوز كل أعوام لعلها

والنعم مليون اكررها بكل أحترام
تنصى الغفيلي وهوفالوقت منصآ لها

ابن الحميدي ليا عدو أرجال المهام
فعايل الطيب فالتاريخ سجل لها

وان عدو اهل الكرم ينعد ضمن الكرام
الاوله قسم ابو مسفر وقسمن لها

مكانته ثابته رغم السنين العظام
العسر ماغير اهل الجود عن دلها

صبر وثابر وعاظه واحدن ماينام
اللي صعيب الامور بحكمته حلها

هيا له الرزق والبل خير مالن يسام
ورثه ماجا من حراج البيع مجتلها

عرب فحلها وصارت عام من بعد عام
تزود واتزين جملته وجمل لها

حمرن عرابى ماجا لشين معها انظمام
مثل الجواهر وبرها حين تنظر لها

لياأقبلت وأدبرت ماصار فيها انفصام
لون الشفق مع مغيب الشمس لونن لها

حازت على المركز الاول وتم المرام
حتى بيوت الشعر تشتاق وصفن لها

يوم عرضت كنها قوات حرب اقتحام
أمدرعاتن نبى الرادار يرسل لها

وطلة جملها مثل حرن على الصيد حام
والا اسطولن أمواج البحر مرسن لها

ليا مشى شيخ قومن فالصواب استقام
عملاق يطمع أنجوم الليل ياصل لها

أقول مبروك سيروا يالربع للامام
ترا الليالي تدور ويختلف حلها

والنعم مليون وزياده لربعن احشام
معيض وراثها وعبيد ساسن لها

الورث لعبيد والوارث مامثله اغلام
وصية ابوه بعد ابوه ماأهمل لها

صان الوداعه وجودها عن الانعدام
ما يقدر الطيبه رجلن ماحاول لها

ابشرك يا عبيد البل على مايرام
امانتك في يدين معيض ماملها

ماقال قطعآ بها ولا عساها الهيام
كمل مواجيبها مثلك وبرهن لها

عان المجاهيم فازت وأسمك اليوم عام
بين القبايل عبر بث الفضا فلها

بصمات ذكرى جليله بين كل الآنام
البل بأهلها أتسمى وانتعين لها

نادو بها وأقبلت تدحم وفيها أندحام
متغطرسه بالبشر مدري مورن لها

مثل الجبال الرواسي والفحل يوم زام
يشبه حضن والجبال العاليه طلها

سلمت يامعيض واخوانه بعد والختام
تحيتن للجميع وشكر مهدآ لها

من شاعرن مايقدم زاد غير بيدام
والمعذره وأن وقع في زلتن زلها

والنعم بالربع جمعاأهل المدن والخيام
الفوز بأسم الجميع وداخل أسجلها

حنا بني عم مابه تفرقه وانقسام
أقولها وأشهد الله مانبدل لها

والشكر للي نهانا عن طريق الحرام
ثم أشكر اللي أمور الحفل وكل لها

اللجنه الحاكمه بالعدل واللتزام
واللي بذل مأستطاع وقال دعمن لها

وصلاة ربي على الهادي واجل السلام
نبينا اللي شروط الدين كمل لها