بديت القاف باسم الله ونـور الله رضـا وأنـوار

بديت القاف باسم الله ونور الله رضا وأنوار
ونور الله كتاب الله هدانا واهتدينا به

إلهٍ يوتي الحكمة حكيم ويلهم الشعّار
بفضل الله شاعر واصخر الجابه وراء الجابه

هلا يا مرحبا وهلاً هلا سلامت الأسفار
نرحب بالأمير ابن المليك وسيد الغابه

هلا يا مرحبا ونكرر الترحيب ليل انهار
ترحب مملكتنا والوطن رحب وهلا به

وترحب طيبه ومكة ترحبك بشر واشجار
وحتى الطير في جوه هزج لحنه وغنا به

وصل عبد المجيد ابن عبد العزيز وكل همٍ طار
هنياً للمليك وكل الأسرة وانتهنا به

ألا يا ليتني في طائرتك الكبتن الطيار
لك الله لوصلك في وقت ما فيه أحد يهقا به

هذا حب وفاء وإخلاص من مخلص وابنٍ بار
تراك أبوي بعد أبوي لك قلبي فتح بابه

وصولك طمن قلوباً وترها يسبق الأوتار
بعد طال السفر كم واحدٍ عايش على اعصابه

نقدم لك عبير الورد والريحان والازهار
ذعاذيع النسيم أمست بريح المسك هبابه

هاذي رحلة نقاهه نعتبرها والله الستّار
أميراً مثلك وشرواك بوصوله فرحنا به

فرحنا في وصول أميرنا المحبوب أبونا البار
وحنا معه في حله وترحاله وترحابه

ونقول الحمد لله والشكر لله إجلال إكبار
نحمد الله نكبر نشكره والبيت نسعابه

امير ٍ له مع الشعب السعودي وقفه وتذكار
عسى عمره طويل آمين ليث وغيث نزهابه

يا بو فيصل ترى مكه وطيبه لك فخر واشعار
أعمالك خير كلك خير والخير انته أسبابه

أهل طيبه وزوار الحرم عاشت مع التذكار
مشاريع الحرم مسجد رسول الله تهنابه

عاشت تنوير مع تطوير صوراً من وراه أصوار
وفعل الخير لوله قرن والله ما تناسابه

رجل حليفك التوفيق دايم والحظوظ كبار
ومن طيبه لمكه وصل أمير الخير بكتابه

كتاب الله والقرآن نور ينور الأبصار
وأحاديث الرسول الهادي الخير اقتدينابه

تشهد بأفضالك البيتين والحجاج والزوّار
مواطن مع مقيم ومع شهادتهم شهدنابه

ويشهد لك لباس الكعبة ثوباً بالآيات أطوار
ليا أقفى عام وأقبل عام بالكادي تحلابه

ايدينك بيض غسل الكعبة جود وقبلة الأطهار
ونشوفك محرم وبيت الله الطاهر تلوا به

هذا قوة إيمان ونعم الأجر لمؤمن ٍ صبّار
ولا ازكي على الله كل واحد ربه أدرابه

ألا يا الله يا سامع دعا الأخيار والأبرار
يا الله تكسيه ثوب العافية يا سامع الجابه

يا الله تحماه من شر الحسد والعين والأشرار
وتديم له السعادة والسعد معه نتهنا به

رفعنا لك يدينا بالفجر والعصر والأسحار
ما حد غيرك يبا يسمع دعانا لا دعينا به

قديراً قادراً حمى الرسول وصاحبه فالغار
بيوت العنكبوت ثبوت يوم قريش حرابه

وسبحان الله الرب الكريم الواحد الغفار
الله المستعان اللي على الدنيا استعنا به

يا ابو فيصل يا ابن عبد العزيز الفارس المغوار
أبوك الحاكم اللي حاضره يشهد في غيابه

مليك وحاكماً سيفه على روس العداء بتّّار
ملك قول وفعل يروي غماد السيف ونصابه

وأبو متعب يعيش.. يعيش للإسلام والأقطار
ملك صقر العروبة عطر الله قبر من جابه

ملك حب القلوب وحب شعباً ما عليه حصار
رزقنا الله في عهده بخيراً ما حلمنا به

ولي العهد وافي فالعهد لو تكبر الأخطار
مجهز طائرات وجيش مع مدفع ودبابه

سلطان الخير إله تقدير وزير وساطي وجبار
عضيد لخادم البيتين عزه ويتعز وابه

وعاشت دولة الإسلام حرزاً للوغى وستار
على نهج النبي ما عندنا حنا ولا بابه

يا آل سعود ياهل الجود وخيار وطوال أعمار
لكم مجد ولكم عز ولكم حكم ولكم هابه

وهلا يا مرحبا فيصل ابن عبد المجيد وللأمير أوقار
نرحب بالأمير ابن الامير وحضرة أصحابه

هلا يا مرحبا واميرنا شرف وله مقدار
أميرٍ شرف الحفل وتشرف وابتهجنا به

يا فيصل في طريقك ورد عطر وفاحت الأثمار
وتستاهل يا امير ٍ في مواقفنا افتخرنا به

ولله در أمير ٍ في رضى الله طول المشوار
وبر الوالدين أكبر شرف وله أجر وأولابه

بجنب أبوه ذخر ابوه عزه والفلك دوار
عسى أولادك تخدمك خدمته والحي نحيابه

عسى شرواك واجد وانت عز وحصن ما ينهار
شرف عظيم سمو سيدي يوم احتفينا به

يقوله شاعراً ما دور المليون والمليار
عطاه الله كنز من القناعة داخل حسابه

ولا شارك بسوق الأسهم يبغى الين والدولار
ولو ما ملك ريال أقول عز النفس عشنا به

وصلى الله على سيدنا محمد سيد الأخيار
رسول دلنا للخير بأمر الله ووصا به

الشيخ الشاعر / خالد بن حمود بن صويان المرزوقي البقمي