بديت بسم اللي له الناس تايبه*
خالق جميع الخلق منشي سحايبه*
وسجدت بين يديه هيبه وطامعة
.ورفعت كفي فوق طمعه وهايبه*
اللي ليا مدّت اله الكف بالرجا*
. بعد الرجاماترجع الكف خايبه*
ومن بعد ماسميت، هاضت ضمايري
وهاجوس فكري قام يشعب ركايبه*
(مره يجنب بي ومرات مشمل ٍ*
ويرقى على رجمٍ تلوفه هبايبه*
رجمٍ طويلٍ من رقاه استهاض به*
حتى لوّن النفس ماهيب طايبه*
رجم الخيال اللي حدوده بعيدةٍ*
اليا اعتلاه الفكر جهز كتايبه*
وارسل مراسيله يحث بمعانيٍ*
على الجزيل وجنبه كل عايبه*
ويطلع بي لحد الثريا بطلعته *
كنه يدور في فضاالجو غايبه*
يبي النوادر والنوادر هوايته*
ولاتهتويه اللي مع الدرب سايبه*
وكنز المعاني حين مريت هالني *
فيها الدرر والكل ياخذ كسايبه*
وسمعت بعضه يبهج القلب بلحنه*
والبعض منها يودع العين شايبه*
يشوقني بعض للحن مع طروقها*
والقاف لو يصعب على الفكر جايبه*
واحساس حرفي ماخذيته هديةٍ *
ورثن من اللي عالياتٍ نسايبه*
من جد، جدي موصين به لربعته*
و قسمي وصلني مثل باقي قرايبه*
وهايبه تلحق من الجد سابعة *
لو بعد سابع جد تلحق وهايبه*
شاعر تردد كل الاجيال سيرته*
يعد (امير )الشعر ماهوب نايبه*
اكثر قصيده في ذلوله ودلته*
وجيرانه اللي ماشكو من طلايبه*
ويفخر بنفسه حين يكرم ضيوفها*
واليامشى بامرٍ يفكك نشايبه*
لياقال قولٍ فالمجالس يثمنه *
مرفوع راسه لين ركزت نصايبه*
ياخيل ريضي واسمعي لجة الحشا
بصدرٍ من الفرقا تزايد نحايبه
سوالٍ يجول بخاطري كدر الخفا*
عسا جوابٍ منك يفرج كرايبه*
انكان عندك قدرةٍ لي فجاوبي
وين النجوم اللي بلافلاك دايبه*
ٍ عهدي بهم هاك السنه في محرمٍ*
يومٍ حر الصيف خفت لهايبه*
وهذي ثمان سنين من يوم هاجروا*
قفووقلبي لايع الوجد صايبه*
من بعدهم هواجسي ماتريحت*
والوقت بعثرلي خوافي مصايبه*
وغنيت شطرٍمن قصيدي منولٍ *
الياذكرته شب صدري شبايبه*
شطرٍيثير اشجون روحي وخافقي
وا،،شطر قلبي يوم فارق حبايبه*
يوم انهم ماودعوني وسافروا*
ومن عقبهم نفسي من الوجد ذايبه*
احاول اخفي لوعة الحزن والبكا*
لوّ ن عيني بازرق الدمع رايبه*
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.