اول زماني

لـ نوره العطاوي، ، في غير مصنف، 26

اول زماني - نوره العطاوي

‏معاد الليل مثل اول زماني
‏وانااللي كنت الاقي به مكاني
‏ارحّبه ليا قبل مثل ضيفن
‏عزيزن جاءبعد غيبات عاني
‏احلق في سماه ان ضاق صدري
‏بعيد عن البشر قاصي وداني
‏منول كنت احسب انه صديقي
‏معه يحلى السهر بحلى المعاني
‏يسامرني وانا اسامر نجومه
‏اشوفه من غلاته شي ثاني
‏وصرت اليوم في جوه غريبه
‏غريبة غربةٍ تجرح كياني
‏تجاهلني وانااللي كنت اعزه
‏ نسى وقتٍ مضى مدري نساني
‏الا ياليل وش غير صفاتك
‏قطعت بهجرك حبال الاماني
‏تصافحني بكفٍ فيه ريبه
‏وسهم الغدر،في عينيّك باني
‏لكن اليوم ابقول الحقيقه
‏مداني ظلمتك معاد اداني
‏الاياليل يرهبني سوادك
‏ضيوفك صاروا هموم الزماني
‏ تقلطهم مع الذكرى الاليمه
‏على طيف الفراق اللي طواني
© 2022 - موقع الشعر