الشاعر علي الزهيري

اهلا وسهلا بمن زار

معلومات عن الشاعر
الدوله السعودية
المُشرف إرسال رسالة
إضافة ...

المعلومات المتوفرة عن الشاعر

شاعر له عدة قصائد في الحكم والغزل والاجتماعيات وله مشاركات عده في عدة مواقع

القصائد

>>
>>
بعض القصاد، الحكم او الامثال من
والله ما همنـي خالـي ولا عمـي=لا صرت فوق الكلام اللي يقولونـه
لو الخطايا تحسّب كـان يـا كمـي=تثقل موازينها من نـاس مجنونـه
الكلمه الهافيـه مـا فـورت دمـي=لأنها جت بـدون اثبـات مدفونـه
اللي هرج في قفاي ايخمهـا خمـي=عند الموالين ليـه شـق ماعونـه
ما يدري ان الركايـب تتجـه يمـي=اقضي الوازم وعسر العلم يا هونـه
ارشاي وانا احمد الله ياصل الجمـي=اورد الحيّـم عـدٍ قاصـرٍ دونــه
وان غاب عني صديقي ما لحقه ذمي=وان حده الوقت الاقشر يبشر ابعونه
واحاسب النفس لا منه نطق فمـي=اخاف من كلمةٍ ما هـي بمضمونـه
زرعٍ زرعته جناه الطيـب ملتمـي=اللي خلافي بعد ما مـوت يجنونـه
ما يقبل الهون كود الهيـن الرمـي=اللي مواليفه اشباهـه ومـن لونـه
يا جاهل العـرف لا تغتـر وتهمـي=البحر مده وجـزره دون مخزونـه
والبندق اللي تروغ ايسار وتزمـي=ما تطرح الصيد لو يمشي على هونه
للمسك يا حاملـه عبيـر ويشمـي=لكن كيلاتهـا مـا هـي بموزونـه
الاسلام حرم علينـا ذبحـة الذمـي=واحنا ذبحنا بعضنا كـذب ومهونـه
يا ما من الزور والبهتـان والنمـي=تسعى بها شرذمه فالديـن ملعونـه
حلفت با الله لـو انـه ولـد عمـي=ان عادها فوق راسه ينكسر شونـه
يا سادة الشعر يا عراف يـا لمـي=ابديت ما خفيت في شعري وملحونه
وضيقت صدر القصيده من غثا همي=من كلمةٍ حست الخاطـر ومكنونـه



يا مزون انا يابوك حالي كليفـه=بين الرجاء والياس يابنت الاجواد
والعمـر يابنتـي تعـد خريفـه=والى صبرت الهم يـزداد يـزداد
والنفس يابنتـي معيفـه معيفـه=عن ما يشين الذكر ويغث الاكباد
ولا رجيت من البخيـل الرغيفـه=رزقي على من ثبت الارض بوتاد
الواحد المعبـود منشـي رفيفـه=اللي له اجباه المصليـن سجـاد
لا تحسبين الوقت لو زان صيفـه=تصفي مشاريبه لمن جـاه وراد
كم فرقت بيـن الوليـف اوليفـه=دنيا كفا الله شرها اسهومها حداد
يا حبني لهـل العلـوم العفيفـه=لطامة العايل هل الطيب واجـواد
ويا كرهني لها العلوم الكسيفـه=اهل الردا والنـم والـذم حسـاد
ودي اموت ولا بقلبـي حسيفـه=ولا علي احقوق لنـاس وارفـاد
هذي حياتي واحمـد الله شريفـه=على النقا ما همني هـرج نقـاد

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • بعض صور الشعراء و الشاعرات غير صحيحة، نرجو تبليغنا إن واجهت هذى المشكلة
  • إدارة موقع الشعر لا تتابع التعليقات المنشورة او تقوم بالرد عليها إلى نادراً.
  • لتواصل مع ادارة موقع الشعر إضغط هنا.
© 2019 - موقع الشعر - بواسطة شركة المبرمجين